وجود شريك حياة عنيد في البيت بيحول الحياة الزوجية لحياة متعبة، وبيعيش الطرفان في توتر وضيق.



الشخص العنيد مش بيشوف إلا رأيه ويفضل متمسك بيه مهما قدمت ليه من الدلايل والبراهين.

هل تعاني من شريك حياة عنيد؟


‏-العناد صفة يكرهها الجميع، لكن مع الأسف بيمارسها الكثيرون، وتكون المشكلة أعظم لو الشخص العنيد عارف بأن تصرفاته هي عناد، لكن يكابر وبيدورله عن مبررات للاستمرار في عناده.


-تعامل بحكمة مع شريكك العنيد ، المقصود هنا مجاراة الطرف العنيد وقدم البدايل ليه علشان يختار من بينها وكأنها جت منه .. هنا بس ممكن يتخلي عن عناده ومتحاولش تجادله بالمنطق في اللحظة ديه.


- أفكار غلط عن شريك حياة عنيد:

‏• أهله بيقولوا عنيد من صغره.

‏• العناد صفة وراثية فيه.

‏• مش هيتغير ابدا مهما أعمل. 

‏• جربت كل الطرق، مفيش فايدة.

 ‏• كل حاجة فيه غلط.

 ‏• العناد بقي حياته.

‏• عناده دليل على نهاية زواجنا.


صفات شريك حياة عنيد‏ ‏:

• يرفض أن تقول له أنت عنيد. 

‏• يرفض توجيه اللوم ليه.

 ‏• يتمسك برأيه مهما كان.

 ‏• يتميز بصفة سوء الظن. ‏

• يقاطع ويتجاهل كلامك.

‏• ديما بيدور علي  مبررات لتصرفاته‏.

• مستمع سيّء للي حواليه.


لاءات مع شريك حياة عنيد:

‏• لا تقل له أنت عنيد.

 ‏• لا تنفعل مع عناده. 

‏• لا تجعل كل حديثك عن عناده‏.

• لا تقل له كلك غلط. 

‏• لا تبين له أنك تكره سماعه‏.

• لا تقاطعه أو تتجاهله وهو يتكلم.

‏• لا تلزمه برأي محدد أو واحد.


تعامل مفيد لزوجة مع زوج عنيد:

‏• حافظي على هدوءك لما يعاند‏.

• تجنبي الانفعال والحدة لما تتكلمي معاه. 

‏• اطلبي منه تقديم اختيارات لرغباته وأفكاره.

 ‏• قدّمي ليه بدايل يختار من بينها المناسب منها. ‏

• تجنبي الرفض المباشر لرأيه اللي مش مناسب وأطلبي تأجيله.


تعامل مفيد لزوج مع زوجة عنيدة:

‏• تجنب العصبية معها.  ‏

• بيّن ليها أهمية رأيها عندك‏.

• قل لها فكرتك جميلة وأنا متفق معاكي .. لكن. ‏

• اطلب منها دليل على صحة رأيها لكن متجادلهاش.

‏• لاطفها ومازحها قبل ما تناقشها في موضوع المشكلة.

‏• استمع اليها لحد النهاية حتى لو معجبكش كلامها.


إمضاء : هايدي المصري


التعليقات