طفلك سنة أولى مدرسة... مهّدي ليه الطريق قربت الدراسة تبدأ بعد فترة طويلة من الإجازة.
يشعر عدد من الأهالي بتوتر شديد من دخول أطفالهم سنة أولي مدرسة.....
فبعد ما كان الطفل مش بيفارق أمه هيروح لعالم جديد مليان بالالتزام والواجبات ولازم يعملها الطفل على أكمل وجه.
جمل غلط للطفل :
"لما تروح المدرسة هتكون شاطر "
"هتبقي راجل مفيش زيه"
ده لأن طفلك فعلا مميز وجميل وبدأ في تحمل مسؤوليته ومش مستني بداية الدراسة علشان يتحملها.
لاءات مع الطفل:
-يستحسن متجهزش الطفل قبل المدرسة بفترة قصيرة بلاش قبلها بأسبوع مثلا.
-يستحسن متمشيش بعيد عن الطفل لما يدخل المدرسة ويختفي بين الأطفال.
نصائح :
-تجهيز الطفل قبل ما يبدأ العام الدراسي بفترة كافية متقلش عن ثلاثة شهور.
-اصطحابه للمدرسة قبل ما تبدأ علشان يتعرف الطفل عليها.
-حاول تطمنه وأعرف كل مخاوفه وأيه بيدور في ذهنه من أفكار ناحيه المدرسة.
-نوصله بأنه أكيد هيكون ليه أصحاب لما يدخل المدرسة وأن الفكرة رائعة لأنه هيشاركهم اللعب والأنشطة الاجتماعية المختلفة.
-أشرك الطفل في عملية شراء مستلزمات المدرسة، فمن ناحيه تعطيه الحرية في أختيار الأشياء اللي بيحبها وتحمُّل نتيجة الاختيار ده فتزيد ثقته بنفسه.
-عود الطفل على النوم والصحيان في وقت بدري ومناسب يمشي مع النظام المدرسي.
-حاول تفضل واقف ومبتسم علشان تعطيه شعور بالثقة والأمان لحد ما يندمج مع أصحابه من غير خوف أو قلق،
-وفي نهاية اليوم أستقبله بحب وخليه يحكي ليكِ عن أزاي قضى يومه وأتعرف علي مين من زمايله واسمعه كويس.
إمضاء : هايدي المصري
ممكن كمان تقرا مقال:
"تدريس الطفل عن بعد"
"الطفل الضعيف دراسيا"
"ثقة الطفل بنفسه"
حلقات هتساعدك علي قناة اليوتيوب:
الحلقة رقم "26" : 6أفكار للمذاكرة بلا ضغط
الحلقة رقم "57" : الأمتحانات و الدرجات
التعليقات