الثقافة الجنسية للطفل حاجة متقلش أهمية عن أي ثقافة تانية يكتسبها الطفل.
الثقافة الجنسية للسن من 8 الي 11 سنة:
-نعلمهم ايه؟
1) سن البلوغ والتغيرات الجسدية والنفسية.
2) الأنتصبات والأحلام المبتلة.
3) العادة السرية.
4) الدورة الشهرية.
5) الرومانسية والإعجاب بالجنس الآخر.
6) الصداقات مع الجنس الآخر.
7) العذرية وحفظ النفس للشخص الصحيح الذي سيتزوجه (اديله نفسي مش بقايا نفسي).
8) الأفلام والإنترنت والشتائم.
- الأحسن أن الاهل يتكلموا في كل المواضيع ديه قبل ما يوصل للأطفال معلومات غلط من الغير بطريقة غلط وفي المرحلة ديه مش هيجوا هما يسألوا لازم احنا ناخد الخطوة و نتكلم .
- لازم:
أفهمة كل ما هو موجود حوالية من اشياء ومبادئ غلط واقوله الأضرار واسيبه يختار.
احكيلة تجربتي الشخصية وازاي اتعلمت واحكيله عن الحاجات اللي غلط فيها وده مهم وهيزود الثقة بينا احنا الأتنين.
-لما تتكلم مع أبنك عن تجاربك الشخصية ده بيؤدي الي:-
جعل طفلك أكثر ثقة بأنك ستستطيع أنك تفهم اللي بيمر بيه وبالتالي ستستطيع أن تحترم مشاعره بدال ما تنتقده أو تحكم عليه.
-العلاقات العاطفية في المرحلة ديه مهمة جدا اننا نتكلم فيها مع اولادنا و اننا نقنعهم . نتفاهم معاهم عن سلبيات وايجابيات العلاقات العاطفية في السن ده.
لو اتكلم معايا قبل ما يدخل في علاقة احاول اقنعة ان يكون ليه اصحاب كتير وانه يكون محبوب من ناس كتير من جنسه ومن الجنس الآخر أحسن بكتير من التركيز مع شخص واحد اما لو تحدث معايا بعد ما دخل العلاقة احاول اصاحبه و احتوية .
إمضاء : هايدي المصري
(ممكن كمان تقرا مقال " الثقافة الجنسية للطفل حتي 7 سنين")
حلقات هتساعدك علي يوتيوب:
الحلقة رقم "27" التربية الجنسية الجزء الثاني
الحلقة رقم "29" التربية الجنسية الجزء الثالث
الحلقة رقم "32" التوعية ضد التحرش
الحلقة رقم "34" أزاي أتعامل مع أبني ناحية أعضاءة الجنسية
التعليقات