الطفل في عمر الثالثة والرابعة معندوش الإحساس بخطورة الفعل اللي بيعمله إنما بيتعود على أنه يعمله زي أي سلوكٍ تاني.
بيتصدم عدد من الآباء والأمهات أن حد من أطفالهم بيسرق ، وده يعتبرونه مؤشر لسوء تربية أو أن الطفل يعاني من مشكلة ما أدت بيه إلى الأمر ده.
الأطفال بيسرقوا وبطريقة متكررة ,,,,,
فاللي يحتاجوه ويلاقوه بياخدوه ليهم فورا وده مش معناه أنهم أشرار او فيه حاجة غلط في تربيتهم .
هي مرحلة انتقالية في نموهم ,فطبعا السرقة مش حاجة ممكن الأستهانة بيها أكيد ولكن لازم نتعامل معها بهدوء وحكمة.
أسباب السرقة عند الأطفال:
•محاولة الطفل أنه يبهر اللي حواليه دايما.
•لواحتاج حاجة معينة ومش معاه فلوس يشتريها.
•بسبب أنه بيتعرض للضغط دايما.
•لو عايز يشتري حاجة والأهل رفضوا ده لأي سبب.
•نوع من أنواع التمرد.
•الهروب من العقاب بسبب حاجة ضيعها.
أزاي اتصرف عند اكتشاف السرقة؟
•تعامل مع الموضوع بهدوء فده امر طبيعي ومتكرر عند الأطفال.
•وضح رفضك التام للتصرف ده وتناقش مع طفلك عن دوافعه.
•تابع تصرف الطفل وعاداته.
•أتكلم معاه بأختصار عن أضرار السرقة وعواقبها.
•اعادة اللي أتسرق والأعتذار للشخص المتضرر لو سمح الوضع .
•حاول تبعد عن العصبية واللجوء إلى معاقبة الطفل بشكل مبالغ فيه.
•سد حاجات الطفل الأساسية اللي ممكن تجعله يسرق علشان يوصلها.
•إشبع الحاجات النفسية عند الطفل وحسسه بالحب والحنان والآمان.
•أدي للطفل ما يحتاجه بس وبلاش الدلع الزايد من مال أو أشياء ومتستجبش لكلّ طلاباته علشان يتعلّم بأنه مش هيعرف ياخد كل اللي هو عايزة دايما.
إمضاء : هايدي المصري
كمان ممكن تقرا مقال :
"تعديل سلوك الطفل"
" تأديب الطفل"
"الضرب والكلام الجارح للطفل"
حلقات هتساعدك علي قناة اليوتيوب:
الحلقة رقم "3" تعديل سلوك الطفل الجزء الثاني
الحلقة رقم "19" التأديب والعقاب
التعليقات