الأطفال نعمة في حياتنا ..علشان كده لازم نقدر النعمة ديه ونحاول نتعلم عن التربية.
-خواطر لتربية سليمة:
- كتر من حضنك للطفل ونادي عليه بأسماء بيحبها، وقوله دايما أنّنا بنحبك، وعايزين وجودك بينا، وكثير من الكلمات ليها الأثر النفسي الإيجابي عليه.
- تعزيز ثقة الطفل بنفسه، وخليه يتكلّم في جميع الأوقات والأماكن متمنعوش و متضربوش، ده هيقوي شخصيته ويكونها.
- تعويد الطفل على عادات جيدة وليها نفع معنوي على الأبوين والمجتمع؛ زي انه يتكلم بأسلوب راقي بعيد عن الألفاظ البذيئة، ومساعدة الآخرين مادياً ومعنوياً ,الصفات ديه يكتسبها الطفل من والديه.
- تعويد الطفل على الاعتذار وانه يقول كلمة آسف لما يغلط، وده بيحصل إذا رأى أفراد الأسرة ييعتذروا لبعضهم لما بيغلطوا.
- تأجيل بعض الطلبات اللي بيطلبها الطفل لمدّة يوم أو يومين، واحيانا مينفعش تلبي طلبه، وده علشان يتعلم أن الحياة مش بتأمن كل اللي بيحتاجه بسرعة، وده هيُساعده في المستقبل بشكل كبير فيعرف معنى القناعة وعدم الطمع.
- الابتعاد عن مقارنة الطفل بالأطفال الآخرين، ده بيؤدّي للكراهية والحقد في نفس الطفل وهتأثر عليه لما يكبر فيتمنّى الشر لكل الأشخاص.
- الحديث مع الطفل بشكل مستمر، وأتكلم معاه عن أمور بيهتم بيها زي الألعاب، وأفلام الكرتون، ده هيخلي الوالدان قريبين منه، ولو غلط هيجي ويعترف باللي عمله.
إمضاء: هايدي المصري
ممكن كمان تقرا مقال "تعديل سلوك الطفل" و مقال "طرق توصيل محبتك لطفلك"
حلقات هتساعدك علي اليوتيوب:
حلقة رقم٨ : علم طفلك الثقة بالنفس في ٥ خطوات
حلقة رقم٩ : لا للمقارنة بين الأطفال
حلقة رقم١٢ : ٣مبادئ اساسية في التربية
حلقة رقم١٣ : الاتفاق علي المبدأ
حلقة رقم١٦ : التربية السليمة
حلقة رقم ٢٢ : 7 احتياجات اساسية للطفل
حلقة رقم ٢٤ :الاحتياجات النفسية للطفل الجزء الاول
حلقة رقم ٢٥ :الاحتياجات النفسية للطفل الجزء الثاني
التعليقات