في المقال ده هتكلم معاكم بالتفصيل عن جدول المهام اليومي ..وهرفق مع المقال نماذج ممكن طباعتها بغرض انها تساعدنا وتساعد آطفالنا.
أسئلة كثيرة عن أزاي أساعد أبني أنه يقسم وقته
وازاي اعمل جدول يومي خصوصا وقت المدرسة؟
الهدف من جدول المهام :
١- تعليم الطفل النظام وقيمة الوقت.
٢-تعليم الطفل ترتيب الاولويات.
٣-تحميس الطفل لأنجاز أشياء اكثر.
٤-الجدول يساعد علي حفظ الروتين وده بيسهل مسؤولية الأبوين.
من عمر كام نقدر نستخدم جدول المهام؟
من سن الحضانة بداية من ٣ سنين ممكن تستخدم الطريقة ديه ، وتكون عبارة عن صور(مرفق أمثلة مع البوست للطباعة) تعبر عن المهام المطلوبة من الطفل تنفيذها في اليوم ويمكن وضع الصور علي لوحة كرتون (او بمغنطيس للتثبيت ) وممكن تقسمها لمهام صباحية.
مثل:
.تنظيف الأسنان.
. ارتداء الملابس.
.تناول وجبة الإفطار.
.ترتيب مكان النوم.
. الذهاب إلى الحمام.
.عمل الواجب.
.اللعب.
.مهام قبل النوم مثال:
.الاستحمام.
.ارتداء البيجامة.
.تناول العشاء.
.تنظيف الأسنان.
.قراءة قصة قبل النوم.
.بالنسبة للاطفال في سن المدرسة:
ممكن استخدام النماذج المرفقة سواء باستخدام الصور أو بالكتابة وده بحسب عمر الطفل.
-ينصح بعدم كتابة او وضع كثير من المهام للطفل الهدف ان يحس الطفل بانجاز المهام ديه مش انك تعجزة بعمل حاجة هو مش هيعرف يعملها.
- الطفل اهم من الجدول فضروري المرونة احيانا في تطبيق النظام .
-الطفل أهم من أي النظام.
-المواظبة من اهم مفاتيح التربية متيأسش من المحاولات حتي توصل للهدف.
-كن قدوة لأطفالك في النظام واحترام الوقت علشان تصل لمرادك.
-اي نموذج ممكن تحطه جوه ملف شفاف والكتابة علية بقلم ممكن يتمسح علشات متطبعش اعداد كبيرة من الجداول (يعمل مثل White Board).
ممكن كمان تقرا مقال "تدريس الطفل عن بعد" ومقال "تعديل سلوك الطفل"
حلقات هتساعدك علي قناة اليوتيوب:
حلقة رقم "2" تعديل سلوك الطفل الجزء الأول
حلقة رقم "3" تعديل سلوك الطفل الجزء الثاني
إمضاء : هايدي المصري
التعليقات