لو بتقول ان أبنك مش بيسمع كلامك الا لما تصرخ في وشه وتزعق تابع المقال ده علشان تعرف تأثير الزعيق والصراخ في الطفل !!
تأثير الزعيق علي الطفل :
١- التعود على الزعيق والصراخ : ممكن يكون الصراخ على الطفل للمرة الأولى فعال ويعدل من سلوكه الغلط، ولكن فعاليته هتقل لما يتكرّر الصراخ، وكمان ممكن يتعود الطفل على الصراخ والزعيق .
٢-صعوبة التأديب : تأثير الصراخ سلبي علي الطفل ويجعل عملية التأديب مهمة أصعب,
وده لأنّه كلما ارتفع صوت الصراخ عليهم بيقل استيعابهم واستقبالهم للمعلومات.
٣-زيادة العدوانية: الصراخ على الطفل يجعله أكثر عدوانية، جسدياً ونفسياً، وده لأن الصراخ مهما كان السبب أو المضمون هو نشاط عدواني بيخوفه ويحسسه بعدم الأمان.
٤-زيادة التصرفات السيئة : أظهرت دراسات تمت على العلاقة ما بين الوالدين والطفل نتايج تشير إلى أنّ الصراخ على الطفل لما يقوم بتصرف غلط مش هيعدّله، بل يزيد منه، ومفرقتش الدراسة بين صراخ الأم أو صراخ الأب، فكانت النتايج متشابهةً لكليهما.
٥-تغيير طريقة تطوير الدماغ :ممكن يؤثر الصراخ وغيره من طرق التأديب القاسية من طريقة تطوير الدماغ، وده لأنّه بيعالج المعلومات السلبية بشكل أسرع من الإيجابية، ويؤثر بشكل واضح في مناطق الدماغ المسؤولة عن معالجة الأصوات واللغة.
٦-الإصابة بالاكتئاب : يوجد للصراخ أضرار وآثار جانبية أعمق من الحزن، أو الخوف، أو الأذى اللي بيشعر بيه الطفل، وده ممكن يكون سبب في إصابته بالاكتئاب لما يكبر، واحتمالية لجوء الأطفال إلى تصرفات مؤذية بالنفس زي الإدمان على المخدرات وغيرها.
٧-التأثير في الصحة : تعرض الطفل للتوتر الناتج عن التصرفات المسيئة لفظياً من الأهل من احتمالية إصابته بمشاكل صحية لما يكبر.
٨-التقليل من الثقة بالنفس : يؤدي الصراخ المتكرر والتصرفات المسيئة لفظياً على الطفل إلى التقليل من ثقته بنفسه، وده لأنّ النوع ده من التصرفات تعطي انطباع للطفل بأنه مش متقدر ، أو محترم، أو محبوب، إذ نادراً ما يرى الطفل اللي بيتعرض للصراخ نفسه كشخصٍ ليه أهمية.
٩-التعرض لمشاكل في التركيز : يعتبر فقدان التركيز من أهم الأضرار التي يتعرض ليها الطفل بسبب الصراخ على مدار فترة زمنية طويلة، وده لأن الطفل عادةً بيحاول انه يشتت انتباهه لما بيتعرض للصراخ كطريقةٍ للدفاع عن نفسه، الأمر الذي يشكّل مشكلةً لما يوصل الطفل لسن الدراسة.
١٠- زيادة عصبية الأهل : يصرخ الأهل بسبب شعورهم بالعصبية تجاه تصرفٍ غلط من الطفل، ولكن الصراخ ممكن يزيد من حدّة العصبية ويحولها إلى غضب شديد ممكن يبقي صعب السيطرة عليه.
(ممكن كمان تقرا مقال:
"تعديل سلوك الطفل"
مقال "تأديب الطفل"
حلقات هتساعدك علي قناة اليوتيوب:
حلقة رقم "2" تعديل سلوك الطفل الجزء الأول
حلقة رقم "3" تعديل سلوك الطفل الجزء الثاني
حلقة رقم "19" التأديب والعقاب
إمضاء: هايدي المصري
التعليقات