مهما حاولنا نهرب من كلام الناس وتدخلاتهم مش هيبطلوا يتدخلوا ....
الناس هتقول أيه؟!....
احيانا بناخد مواقف معينه مع اولادنا بس علشان صورتنا قدام الناس ..
فلو انت في السوبر ماركت او النادي وبتحاول تتعامل مع ابنك وهو في نوبه غضب ومستني جنبه لغاية ما يهدي او قعدت علي كرسي لغاية ما يخلص ونتكلم ، نلاقي هنا بقي جمل كثير بنسمعها:
-"انت ام قاسية".
- "ايه اللي بتعمليه ده".
-"شيلي الولد من الارض" ومقلكوش بقي لو الموقف ده اصلا حصل في بيت القرايب او الجدود.
اقل حاجة ساعتها ممكن تتقال "عيال بيربوا عيال " او "احنا مش عارفين نربي".
اللي كتبته ده مثل من مواقف كتير فيها الناس ممكن تتدخل في طريقة تربيتنا لاولادنا خليني اكتب الملخص في كام نقطة مهمه:
-اولادنا اهم من كلام الناس
- فهمك عن التربية هيخليك متأكدة وواثق من اللي بتعمله مع ابنك.
- التربية مسئولية الأب والأم فقط.
- شيل الناس من دماغك علشان ترتاح (مبدأ عام).
- افتكر ان ابنك من الذكاء اللي يكرر فيه نفس الموقف -قدام الناس- علشان ياخد اللي عايزة.
نعمل اية :
-اعرف وتعلم عن التربية لتتمكن وتزيد ثقتك في نفسك في اللي بتعمله مع اطفالك.
- تعامل بهدوء مع تدخل الناس او الأهل في تربية أطفالك.
- ابتسامه صفراء مع بعض التجاهل هيفي بالغرض احيانا.
- اسمع من ودن وخرج من الودن التانية عادي.
- احتفظ بسلامك الداخلي،ومتسيبش أي تعليق سلبي يشعرك بقلة الثقة في نفسك.
- خذ نفس عميق واستمر في طريقك فأنت أدرى بأطفالك ...
إمضاء : هايدي المصري
(ممكن كمان تقرا مقال "تدخل الجدود في التربية)
حلقات هتساعدك تعرف أكتر عن التربية علي قناة اليوتيوب:
الحلقة رقم "13" : الأتفاق علي المبادئ
الحلقة رقم "43": متي تبدأ التربية
الحلقة رقم "44" : التربية في السنة الأولي
التعليقات