اعرف ان الكلمة بتفرق في قلب وحياة ابنك وممكن تهدم اللي انت بتحاول تبنية .
الكلمة بتفرق
"ايه الوحاشة دي، جايبة الوحاشة دي منين، بس هي مش طالعة حلوه زي اختها ".
"هي شعرها عامل كده لية ؟ تخينه زي... ".
"ابنك ده شيطان، مفيش فايده في ابنك، انت مش عارفه تربي".
كلمات من النوع ده محبطة لكل ام او اب لما يسمعها ، لكن تأثيرها علي الطفل أكثر بكثير !!
اعرف ان الكلمة بتفرق في قلب وحياة ابنك وممكن تهدم اللي انت بتحاول تبنية خصوصا مع تكرار النوع ده من الكلام السلبي.
تأثير كلام الناس السلبي / تنمر:
- ضعف الثقة بالنفس.
- بتقل في نظره (يفقد ثقته فيك ) لانك مقتدرتش تحميه في الموقف ده.
- احساس بالتراجع.
- الخوف من كلام الناس.
- صوره مشوهه عن الذات خصوصا لو الكلام عن الشكل والجسم. .
- احساس بالدونية.
- احساس بالضعف.
- احساس بعدم القبول / الرفض.
خد بالك ممكن الموضوع يتقلب للعكس تمام لو قرر الطفل الدفاع عن نفسه فيصبح:
- سيئ السلوك.
- متنمر.
- عنيف.
- يعيش ويصدق اللي بيتقال عليه (زي ان شكله وحش ، مش متربي ، مش بيحترم الكبير، .....).
نتعامل ازاي - ايه الحل!!
- اوعي تتكسف ترد علي اللي بيتنمر علي طفلك مهما كان هو مين.
- نفسية طفلك أهم من اي حد ممكن يكون بيقول كده (حتي لو كان الكلام بغرض الخوف من الحسد!).
- ادعم طفلك طول الوقت وحاسسة انك ظهره وسنده.
- انت المسئول انك تحمي طفلك ومش اي حد تاني.
- التربية مسؤولية الاب والأم.
- علم طفلك ازاي يدافع عن نفسه وعلمه عن الحدود.
- رد في نفس اللحظة وقدام ابنك لو الكلام اتقال قدامه.
- فكر في كلمات مناسبة قبل الموقف خصوصا لو الموقف متكرر حتي لا تجرح احد او تتسبب في مشاكل.
- راعي حدود اللباقة والاحترام (مش علشان نحل مشكله نعمل مشكله اكبر)..
يمكنك قراءة مقال " طرق توصيل محبتك لطفلك"
حلقات هتساعدك علي قناة اليوتيوب:
حلقة رقم "24" الأحتياجات النفسية للطفل الجزء الأول
حلقة رقم "23" الأحتياجات النفسية للطفل الجز الثاني
حلقة رقم"45" أزاي أبنك يوصله محبتك
إمضاء: هايدي المصري
التعليقات