تتعرض الكثير من الأمهات إلى مشاكل بسبب أفعال الأولاد، فشقاوة الأولاد في بداية أعمارهم شئ طبيعي جدا، لكن أزاي نميز بين الشقاوة وفرط الحركة؟
( لو زادت حدة الشقاوة فده معناه أن الطفل بحاجة لتشخيص الأطباء والاستشارة النفسية علشان تعرف لو كان يعاني من نشاط زايد أو فرط حركة ).
أولا النشاط الزايد:
أثبتت الدراسات أن الطفل الشقي عنده" ذكاء عالي جدا"....
-فكلما ارتفعت نسبة الحركة والنشاط الزايد كلما زادت معدلات الذكاء عنده،
-فالنشاط الزايد :
مش محتاج للتقييد، لأن الطفل عنده طاقة يحتاج أنه يفريغها بشكل مناسب، وفي نفس الوقت مش بيؤذي نفسه ولا اللي حواليه.
وهنا لازم ننتبه إلى أهمية الاهتمام بالطفل الشقي، عن طريق اللعب....
-فاللعب عند طفل من النوع ده يحتاج إلى اختيار لعبة يقدر من خلالها بذل طاقته، كلعب كرة القدم أو كاراتيه أو ألعاب الذكاء والتي تحتاج إلى شغل العقل بالتفكير في حل زي ألعاب منتسوري .
- فالطفل الشقي بحاجة إلى:
نظام غذائي خالي من المواد الحافظة والألوان الصناعية، والتقليل من السكريات كالحلوى والشوكولاتة لأنها تساعد على زيادة النشاط لديه، ومش محتاج إلى أخصائي نفسي أو استشارة، فالأمر بسيط ويزول كلما تقدم في العمر.
ثانيا: فرط الحركة:
فرط الحركة عند الأطفال بيتلاحظ من العام الأول، حيث يلاحظ على الطفل قلة التركيز وقلة الانتباه، مع زيادة في الحركة أيضا، ومع تقدم الوقت يلاحظ قلة الذكاء .
كما أن الطفل مفرط الحركة يعاني من ضعف التركيز ويكون عدواني.
ويكون فرط الحركة بثلاث مستويات هي:
– فرط الحركة البسيط وهو فرط الحركة فقط.
– فرط الحركة العميق وهو نقص الانتباه وضعف التركيز .
– فرط الحركة المعقد وهو اضطراب فرط الحركة وتشتت الانتباه المزدوج.
أما عن العلاج....
-فإنه يتوقف على سرعة تدخل الأطباء والعلاج السلوكي،
-فكلما كان التدخل بدري كلما كان ليه الدور الأكبر في علاجه قبل سن الدخول للمدرسة، حيث يحتاج الطفل المفرط إلى أدوية تحتوي على مواد مهدئة وفي نفس الوقت تعمل على زيادة الانتباه،
-والاعتماد أيضا على العلاج السلوكي من خلال برامج معينة تزيد من التركيز والانتباه وتساعده على قلة الحركة .
الفرق بين النشاط الزايد وفرط الحركة:
1- النشاط الزائد و ما يعرف بالشقاوة الزايدة ما هو إلا مجرد رسالة يقوم بيها الطفل، من أجل لفت انتباه والديه، وده علشان تعطيه المزيد من الاهتمام والعناية، فالطفل الشقي ذكي جدا، ويستخدم ذكائه في اثبات ذاته ، وهنا لازم الوالدين على غذاء الطفل، حيث من الأحسن أن يبتعد عن الأطعمة الجيلاتينية والسكريات واللي بتحتوي على مكسبات الطعم والألوان الصناعية .
2- أما الطفل المفرط في الحركة، فإنه يكون لديه فرط في الحركة أي نشاط زايد بطريقة كبيرة جدا، وفي نفس الوقت يكون لديه الفهم والاستيعاب بطئ جدا، أي أنه معندوش القدرة على الفهم والانتباه، وأيضا يؤثر البطء ده على التحصيل الدراسي .
وعلاج الطفل مفرط الحركة يحتاج لمختصين...
حيث يساعدوه في اعادة تأهيله مرة تانية، لأنه يؤذي نفسه بتصرفاته الغلط، وهو مش بيدرك ده، بسبب زيادة في القشرة المخية والتي تكون مسؤولة عن تصرفاته وأفعاله بدون وعي، وفي نفس الوقت فإنه يحتاج إلى طبيب نفسي علشان يتمكن من معرفة إن كان وراء ده أسباب نفسية أو لا، زي العنف وسوء المعاملة من الوالدين أو المدرسة .
-علشان كده الأمر محتاج للتركيز، علشان متخلطوش بين الطفل الشقي والطفل المفرط الحركة، وأن تتحلى الأم بالصبر والمثابرة، فالأمر بسيط جدا ولكن يحتاج منها التفريق علشان تعمل اللازم مع طفلها والبدء في العلاج.
حلقات هتساعدك علي قناة اليوتيوب:
حلقة ٢: تعديل السلوك الجزء الأول
حلقة ٣ : تعديل السلوك الجزء الثاني
حلقة ٦٠: ٦ خطوات لتعديل السلوك
إمضاء : هايدي المصري
التعليقات