المهم انك تتفهم اسباب عدوانية الطفل علشان تقدر توصل لحل!!



مفيش طفل عنيف بطبيعته ,علشان كده مفروض نعرف أسباب العدوانية و نعالجها.

فالأطفال بيتعلموا وممكن يطوروا مهاراتهم وتدريبهم على التحكم في أنفسهم بطرق كثيرة، لكن فيه أسباب محتملة تتكون ورا سلوك طفلك العنيف في المنزل أو المدرسة أو النادي.


العدوانية هي : تصرف سلبي يصدر من الطفل تجاه الآخرين ويظهر على صورة عنف جسدي أو لغوي أو على شكل ايماءات وتعابير مش مباشرة على عدم الرضا منه.


أعراض العدوانية:


-الصراخ المستمر.


-رفض الطفل الدايم وعصيانه للأوامر الموجهة ليه.


-لجوء الطفل للتعامل البدني العنيف كالعض والضرب والاندفاع وتخريب الأشياء والألعاب.


-الكذب والعزلة والانطوائية.


إذا لم يتم التعامل مع الأعراض ديه بطريقة صح ممكن يوصل الأمر لمرحلة مينفعش السيطرة عليها فيصبح السلوك العدواني عادة دايمة لدى طفلك.


حلول للعدوانية :


-راقب أبنك بيشوف ايه في التلفزيون وامنعه من مشاهدة الأفلام ومقاطع الفيديو اللي بتحتوي على مشاهد عنيفة.


-مكافأة الطفل مادياً ومعنوياً لما يبين تحسن في السلوك.


-خصص لطفلك الوقت لممارسة الهوايات اللي بيحبها كالقراءة والرسم والاستماع إلى الموسيقى الهادية وممارسة الرياضة واللي تعتبر من أهم الوسائل التي تساعد طفلك على أنه يفرغ طاقته الزايدة.


-احرص دايما على أن يسود المنزل جو من الهدوء والحب فالمشاكل الأسرية من الحاجات اللي بتدفع الطفل بقوة إلى السلوك العدواني.


-العناية والاهتمام : فالتربية الجيدة هي حق لكل طفل والأطفال اللي بتفتقر إلى الحب والرعاية تميل دايما إلى أن تصبح عدوانية وعنيفة ومتمردة، ويمكنكِ إظهار العاطفة لطفلك من خلال العناق والتقبيل والتدليل وإشعارهم دايما أنهم مميزون.


ممكن كمان تقرا مقال :

"تعديل سلوك الطفل"

" طرق توصيل محبتك لطفلك"


حلقات هتساعدك علي قناة اليوتيوب:

حلقة رقم "2" تعديل سلوك الطفل الجزء الأول

و حلقة رقم "3" تعديل سلوك الطفل الجزء الثاني

و جلقة رقم  45 "أزاي أبنك يوصله محبتك؟"


إمضاء: هايدي المصري


التعليقات