"فيه نوع من الأهالي بيعانوا من الطفل الاتكالي,الطفل الاتكالي هو طفل بيعتمد على أهله خاصة أمه في كل حاجة تقريبا "،
عدد من الأطفال بيفضلوا أنهم يعتمدوا علي غيرهم علشان يعملوا ليهم كل حاجة تخصهم علي الرغم من أن الطفل بيكون قادر يعمل الحاجات ديه.
اتكالية طفل معناها أن أهله بيعمله كل الحاجات اللي تخصة بنفسهم في الوقت اللي هو برضة يعرف يعمل المهمات ديه بنفسه ، في الأكل واللبس والحمام والنوم والمذاكرة.. الخ.
لكن الطفل يتعلم الاتكالية زي ما بيتعلم اي حاجة تانية!!
الاتكالية عند الاطفال سلوك متعلم، يعني هما اتعلموا الاتكالية من أهلهم ويقدروا يتعلموا عدم الاتكالية برضة.
الأهل مصدر أساسي لسلوك الأطفال، اللي أكتسبه الأطفال بالتعلم بيتغير برضة بالتعلم.
يبدأ الأطفال تعلم الاتكالية أو الاستقلالية في سن ٣ سنين،
وفروا الفرصة المناسبة من اختياركم.
من خلالكم يكون طفلكم استقلالي أو اتكالي.
الأطفال مش بيميزوا بين الاتكالية والاستقلالية إلا من فوايدهما ليهم
اهتموا بيهم في الاستقلالية وتجاهلوهم في الاتكالية علشان يكونوا أقل اتكالية.
صفات طفل اتكالي:
• دايما مصاحب لأهله.
• كثير الصراخ والعصبية.
• كثير الشكوى والبكاء.
• يميل الى الانعزالية.
• يطلب المساعدة في كل حاجة في حياته.
لاءات مع طفل اتكالي:
• لا تنفعل معاه.
• لا تقول مفيش فايدة فيك.
• لا تقول "مش هيتغير".
• لا تركز علي سلبياته.
• لا تخدمه وهو يستطيع.
• لا تستجب لاتكاليته.
• لا تقارنة باخرين.
أفكار غلط عند أهل عن طفل اتكالي:
• لسه صغير.
• مش هيعرف المطلوب منه.
• مش مستعجلين الموضوع.
• مش بيعرف أزاي يتصرف.
علشان تعلم الطفل يعتمد على نفسه:
• تحديد أفعال محددة تناسبه (اعطاءة اختيارات محدودة).
•سيبه يعمل الحاجة براحته حتى لو غلط.
• متدخلش في عمل هو يقدر يعمله من غير مساعدة.
أخلق فرص ومواقف تساعده في انه يتعلم الاستقلالية.
حلقات هتساعدك علي قناة اليوتسوب:
حلقة رقم " 2" تعديل سلوك الطفل الجز الأول
حلقة رقم "3" تعديل سلوك الطفل الجزء الثاني
حلقة رقم "39" تأثير التشجييع
إمضاء : هايدي المصري
التعليقات