الخناق قدام الأطفال كارثة بتأثر علي نمو وتطور شخصية الطفل وتؤثر كمان في سلوكه!!



من أكثر العادات السيئة اللي بتحصل في البيت ومش بنشوف أضرارها غير بعد فترة علي أطفالنا

وبنشوف ملامحها على أطفالنا هي خناق الأهل قدام الأطفال.

ممكن يكون ده مش مقصود من الأهل، ولكنه بيحصل، وبالرغم من سرعة حصوله إلا أن زواله من ذاكرة الطفل بطيء جدًا.


الخناق قدام الأطفال بيعمل أيه؟

١-احساس بعدم الأمان ويؤدي لكوابيس أو تبول لا إرادي ومشاكل كتير.

٢-احساس الطفل بالذنب وكأنة هو سبب المشكلة أو المطلوب منه يحلها.

٣-في المستقبل بيرفض فكرة الجواز وبيتعقد منها بسبب النموذج الموجود في أهله.

٤- بيكرر مع أصحابه او أخواته نمط الخناق اللي شافه في البيت سواء تضمن ده عنف لفظي أو جسدي (طفل عنيف وغير متزن نفسيا).

٥- مشاكل وضعف الطفل دراسيا.

٦-طفل جبان

، خايف

، مش واثق من نفسه ومعندوش قدره للتعامل أو المواجهة في المواقف الصعبة لأنه دايما خايف من العقاب والخناق وأكثر المشاكل ديه بتظهر في وقت المراهقة.

لتجنب الكوارث‎ ديه ممنوع الخناق قدام الأطفال.

-‎ولو مش قادر فعلا تحل الخلاف وأنكم تحاولوا تشتغلوا علي وسيلة تواصل أفضل .. من فضلك اتخانق و الباب مقفول مش قدام الأطفال.

-ممنوع استمالة الطفل لطرف ضد الآخر أو استخدام الاطفال وسيلة للضغط علي الطرف الآخر أو تخليه جزء من المشكلة بأي شكل.


إمضاء: هايدي المصري


ممكن كمان تقرا مقال :

"الطلاق"

"طرق توصيل محبتك لطفلك"

" تأثير الزعيق علي الطفل"

"الضرب والكلام الجارح"

"طرق توصيل محبتك لأبنك"


حلقات هتساهدك علي اليوتيوب:

الحلقة رقم "13" الأتفاق علي المبدأ

الحلقة رقم "16" التربية السليمة

الحلقة رقم"22" 7أحتياجات أساسية للطفل

الحلقة رقم "41" التعامل مع تدخل الناس في تربية أولادنا



ألهمني ألهمني أضف تعليقك

التعليقات

إقرأ المزيد من تدوينات هايدي المصري

تدوينات ذات صلة