الدراسة وظيفة التلميذ، التلميذ الضعيف يكره الوظيفة ديه ، علشان كده ممكن تساعدوه علشان يحب وظيفته وينجح فيها.
عارفين ايه هي مشكلة الطفل الضعيف دراسيا؟
الطفل الضعيف دراسيا مش بالضرورة أنه فاشل دراسيا او انه غبي أو المشكلة فيه!!
لكن ممكن تكون المشكلة انه بيتلقي التعليم بطريقة مش مناسبة ليه أو سوء المعاملة من الأهل أو من المدرسين في المدرسة....
كلام غلط عن طفل ضعيف دراسيا:
• "كأني مقلتش حاجة".
• "انا تعبت منك".
• "علطول بتضايقني".
• "كل الطرق لم تنفع معاك".
• "مفيش أغبى منك".
• "أخوك أفضل منك".
• "انت كسلان".
• "مش هتفلح".
افعال غلط مع طفل ضعيف دراسيا:
• المقارنة مع غيره.
• الضرب.
• الاهانة اللفظية والنفسية.
• الحبس والحرمان.
طرق مناسبة لتدريس تلميذ ضعيف:
• وجود جدول دراسي يساعدة في المذاكرة.
• وقت كافي لللعب وعمل أنشطة مختلفة.
• مدح جهد الطفل.
• تجاهل بعض أخطائه.
• إبراز إيجابياته.
عبارات محفزة لتلميذ ضعيف:
• "بتتعلم بسرعة".
• "خطك جميل".
• "ما شاء الله عليك".
• "أنا أثق فيك".
• "تتقدم بسرعة".
• "أفكارك جميلة".
• "تقدر تجيب درجة أحسن المرة الجاية".
محاولة الأهل أنهم يحولوا العملية التعليمية للطفل أكثر متعة من خلال وجود ألعاب تعليمية مسلية أو تطبيقات علي الموبايل تعليمية ممتعة وده أكيد هيحسن من مستوي الطفل الدراسي ويحفزة.
إمضاء : هايدي المصري
(ممكن كمان تقرا مقال "تعليم الطفل عن بعد"و مقال "الجدول اليومي للطفل")
حلقات هتساعدك علي قناة اليوتيوب:
الحلقة رقم "23" المعركة الخسرانة
الحلقة رقم "40" 5خطوات لو أبنك جه متضايق من المدرسة
الحلقة رقم "37" أزاي نبطل زعيق
الحلقة رقم "39" تأثير التشجيع
الحلقة رقم "28" روتين النوم عند الأطفال
الحلقة رقم "26" 6أفكار للمذاكرة بلا ضغط
التعليقات