"اسكت يا حبيبي متعيطش" الجملة دي ممكن تستخدمها مع ابنك بطريقتين، يا إما بهدوء علشان صعبان عليك أو بزعيق علشان مش طايق صوت عياطه خلاص.
-في أول سنتين من عمر الطفل بيكون البكاء لغة للتعبير عن الجوع أو الحر أو الضيق.
أو أن الطفل عايز يغير ملابسه أو ممكن حتى أنه بيكون مشتاق لما الأب و الأم بيغيبوا.
-لكن بعد نهاية السنة الثانية يكتسب الطفل أدوات مختلفة بيعبر بيها زي الكلام وغيره ويبقي عنده شخصية أكثر استقلال،
لذا فإن استمرار الطفل على حل مشكلاته بالبكاء بعد عمر السنتين يُعد مشكلة سلوكية لازم نقومها.
التعامل الغلط مع عياط الطفل هو اللي بيقلب بعد كده لزن وسوء سلوك !!!
لما ولادنا يعيطوا بنبقى واقعين ما بين كذا شعور ....:
-الشعور بالأسى عليهم وانهم صعبانين علينا و مش عايزين نشوفهم متضايقين و.....
-شعور بالانزعاج وعدم الراحة واحيانا بالغضب.
-واحيانا الشعور بالذنب الرهيب تجاههم علشان احنا مسؤولين عن سلامتهم وإحساسهم الداخلي بالراحة.
عند الأطفال العياط مهم جدا علشان الطفل مولود بالجزء المسؤول عن المشاعر في المخ كامل النضج لكن المنطق عنده لسه مكتملش،
-بيعيط في أي وقت وقدام أي حد فالعياط هنا هو عملية شافية(a healing process) وطريقه الطفل للحصول علي الراحه ولغته للتعامل مع المشاعر المتوتره او الضغط الداخلي.
ال Healing process لما بتكمل ده بيساعد المخ انه يكون new neural pathways يعني مسارات عصبية جديدة وكتيرة فعملية البكاء مفيدة له.
يعني الطفل بيبقى اكثر قدرة على التفكير والتعاون والحكم السليم على الامور.
-تعامل حسن مع طفل يبكي:
•متنفعلش بانفعاله ومتفقدش أعصابك.
• اقعد جنبه لغايه ما يخلص عياط خالص.
• لا تتناقش وقت العياط أستني لما يخلص.
• ملاطفته وهو هادئ.
• ساعد الطفل يعبر عن ما يشعر بيه بكلمات.
مهم ان الطفل يكمل العياط لآخره.. علشان لو قطعت عياطه كل مرة، المشاعر مبتخرجش وبتفضل جوه وبقى طفل زنان وبيغضب كتير وممكن يضرب اخواته وبيشاغب في الفصل وبيعند طول الوقت..
كل ده بيحصل علشان مشاعر الغضب اللي جواه واللي معرفش ولا مرة يطلعها لآخرها صح.
ممكن كمان تقرا مقال "تعديل السلوك الغير مرغوب فيه عند الطفل"
حلقات هتساعدك علي قناة اليوتيوب:
حلقة رقم "2" تعديل سلوك الطفل الجزء الأول
حلقة رقم "3" تعديل سلوك الطفل الجزء الثاني
حلقة رقم "51" أرفض الخطأ ولا ترفض الطفل
إمضاء: هايدي المصري
التعليقات