فيه اسباب كثيرة لسوء سلوك الأطفال ولكن الأكيد أن سلوك الأطفال هو وسيلتهم للتعبير عن اللي بيشعروا بيه.
استيعابك لأسباب سوء سلوك الطفل هيخليك تتفهمه و تتفهم أسبابه,
علشان تعدل سلوك الطفل المش مستحب.
١٢ سبب لسوء سلوك الطفل :
١- لما يتعرض لكثير من الضغط (ضرب - عنف - تهديد -خوف - مقارنة-.........).
٢- رغبة لجذب الانتباه والتواصل.
٣- مفيش قواعد واضحة.
٤- اختلاف الأب والأم علي طريقة التربية.
٥- تدخل أطراف اخري في عملية التربية زي ( الجدود - الأصدقاء ....).
٦- احتياجات أساسية مش متسددة (هارفق الحلقة الخاصة بالموضوع ده ).
٧- صرخة للمساعدة أو التعبير عن الإحباط.
٨- مش عارف أزاي يتصرف او يعبر في موقف ما (مش عارف يعبر عن مشاعره ).
٩- اختبار لتحدي السلطة ( كلمه مين اللي هتمشي !).
١٠- نمط تربوي مش متوازن.
١١- مشاكل داخل الاسره (خناقات).
١٢- قدوه سيئة.
⬅︎ الطفل اللي بيسيئ السلوك هو مش طفل سيئ او مراوغ تابع حلقة " ارفض السلوك السيئ ولا ترفض الطفل نفسه ".
لاءات مع طفل يسيء السلوك :
- استخدام العنف معاه.
- استخدام التهديد او العقاب البدني.
- الإستجابة لطلباته.
- استخدام المقارنة معاه.
- وصف الطفل بالصفة السيئة زي ( انت كذاب - انت اناني - انت .....).
للتعامل مع طفل يسيء السلوك :
١- وضع قواعد وحدود واضحة.
٢- كن حازم ولكن بعدل (التوازن بين الحب والحسم).
٣- التعامل مع الأمور بطريقة متجانسة (غير متناقضة).
٤- ساعد طفلك يعبر عن مشاعره في المواقف المختلفة.
٥- التحفيز المستمر والتشجيع علي السلوك الجيد.
٦- اسمع طفلك و تواصل معاه باستمرار.
٧- الاصرار والاستمرارية في تطبيق القواعد ( فكره بيها باستمرار ).
٨- احترم طفلك ولا تهينه.
٩-اجعل توقعاتك معقوله وقابله للتنفيذ.
١٠-اعطيه وقتك واهتمامك.
١١- اتعلم عن التربية.
١٢-استخدم طرق مختلفة لتعديل السلوك.
١٣-شجع ايجابياته.
١٤-العواقب مش للعقاب.
تذكـّر⬅︎ إن كل الأطفال مختلفين وممكن يتطلبوا أساليب مختلفة في التربية والتعامل.⬅︎ مش هينجح أسلوب واحد طوال الوقت! كن خلاقـاً.⬅︎ لازم تتغير أساليب التربية وتتطور مع العمر حسب قدرات واحتياجات الطفل.⬅︎ تعديل السلوك محتاج لصبر.⬅︎ الأفضل انك تبدأ بملاحظة السلوك السيء مع بداية ظهوره والعمل عليه منذ البداية.
إمضاء: هايدي المصري
ممكن كمان تقرا مقال:
"تعديل سلوك الطفل"
"الطفل العدواني"
"الطفل الزنان"
حلقات هتساعدك علي قناة اليوتيوب:
حلقة رقم"٣" : تعديل السلوك-الجزء الثاني
حلقة رقم "٢٤":الاحتياجات النفسية للطفل الجزء الاول
حلقة رقم "٢٥" :الاحتياجات النفسية للطفل الجزء الثاني
حلقة "٥١" :٥ ارفض الخطأ ولا ترفض الطفل
حلقة "٤١" : التعامل مع تدخل الناس في تربية أولادنا
حلقة رقم"١٢" : ٣مبادئ اساسية في التربية
حلقة رقم"١٣" : الاتفاق علي المبدأ
حلقة رقم"١٦" : التربية السليمة
التعليقات