فن التخلي عن الأشياء والاستغناء عن الأشخاص .. العلاج بالعزلة .... التجربة ضرورية ... الخروج من منطقة الأمان
عود نفسك ما تتعودش
عود نفسك ما تتعودش .....
ما تتعودش على حد ولا على أي حاجة .......
عود نفسك وفهمها وربيها كدة - بالراحة او بالشدة - انها ما ترتحش وما تضمنش لا حد ولا أي حاجة ......
علمها ان الفقد سنة كونية ...... و إن البلاء عادي ....
علمها ما تتمسكش بالأشخاص ولا الأشياء ولا الألقاب ولا العناوين , و ما تزعلش على فقدها ( أو فواتها ) او رحيلها ....
فهمها ان التغيير هو الأصل في الأشياء ......
وان الركود بيجيب أمراض ......
المية الراكدة مش حلوة وممرضة ......
العضو اللي مش بيتحرك، بيفقد وظيفته وقدرته .....
الماكينة المركونة , اللي مش شغالة ، بيصيبها أعطال ......
كل شئ خاضع لقانون ( التغيير ) إلا قانون التغيير نفسه !!!
الأرض و الكون كله كله كله , في حركة دائمة ...
الكون مش في حالة سكون .....
درب نفسك تتقبل حقيقة أن الروتين قاتل وان شوية أكشن - حتى لو شكله مش حلو أو نتيجته مش مرضية - ضروري برضه ...
ساعات بيكون العلاج .....
في الطب ، أحياناً بيكون بتر عضو هو الحل الوحيد عشان بقية الجسد تفضل فيها حياة ......
الخروج من منطقة الآمان ضروري جدا ... ومش شرط إن اللي تعرفه أحسن من اللي ما تعرفهوش ...
على الأقل جرب اللي ما تعرفهوش ...
إما تتأكد انه الأوحش ... ( فارجع تاني مكانك محفوظ ) ...
أو تدرك أن اللي تعرفه ماكانش أحسن من اللي ما تعرفهوش !!!!...
الموت والفقد هبة لمن لا يعلم .....
وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]
الرضا بالأقدار صعب جداً ودرجة إيمانية عالية ......
التعليقات