تذكر وقت ما كان شخص بحاجة لحد يسمعه وانت كنت مدووش بكل شي حواليك ومش قادر تتحمل اي شي بس مع ذلك فصلت هالاشياء وكانت اذانك
تتذكر وقت ما كان شخص بحاجة لحد يسمعه وانت كنت مدووش بكل شي حواليك ومش قادر تتحمل اي شي بس مع ذلك فصلت هالاشياء وكانت اذانك صاغية اله واعطيته حل كيف يرتاح
تتذكر وقت ما كانت ستك بحاجة لحد يعينها بفترة معينة وحاولت تقسم وقتك لحتى تكون معاها وما تخليها تحتاج لحد وكانت كلمة الله يرضى عليك كافيه
تتذكر لما جبت هدية لاخوك الصغير كان نفسه فيها من شهور وكيف كانت البسمة على وجهه بس شافها ؟
تتذكر لما تحقق حلم كنت مستنيه كتير .... ولما فرصة قدمت عليها كتير ... ولما كلمة حلوه كنت بتستناها برضه كتير تحققولك ... هاي الاشياء ما صارت معاك صدفة هاي الشغلات المفروض تحطها ببالك واضلك اتفكر فيها انك كل ما قدمت لغيرك وكل ما مديت يد العون لغيرك رح تلاقيها .. رح تلاقيها لما تكون ب أمس الحاجة الها ... رسم بسمة على وجه طفل صغير مساعدة مسن تلبية احتياجات عائلتك تلبية راغبات اصحابك
اذنك الي دايما بتسمع سواء فرحة او شكوى من غيرها الي ما بتتذمر ولا بوقت من الاوقات وانك تغض الغيظ الي جواتك مجرد ما شفت حد مدايق وحابب تخفف عنه هاي الشغلات عمرها ما بتروح هباء منثورة هاي الشغلات رح تلاقيها بطريقك وكل ما تنوي تخطي خطوة رح تلاقيها بتتيسر لانك ماشي بمدأ وهالمبدأ ما باذي حدا هالمبدا بخليك مرتاح من جواتك وموزع راحه على الجميع الكلمات الي دايما بنحتاج نسمعها لما نحكيها لحدا مشان يرتاح ومنفكر ليش ما حد بحكيلنا ياها ... هاي الكلمات بتجينا على هيئة طريق ميسر على هيئة ترفيع في الشغل على هيئة على هيئة راحة بال ... طول ما انت ماشي بهالمبدا وعلى هالخطوات لا تندم بحياتك لانه رح تيجي الايام ورح تلاقي الناس عم تتعلم من الي بتعمله ف حاول دايما تنشر خير بطريقك ....
التعليقات