لما تروح تدور على قصة، فتلاقي حالك جزء من الحكايا :)
شعور جدآ لطيف ورائع لما تروح على مكان تدور على قصة، تلاقي بدالها (حكايا) ❤️قصة اليوم عن واحد من ألطف المواقف ومكانها (العقبة) ⛵
كنت في رحلة لمدينة العقبة الجميلة مع الأهل، ولما أهلي روحوا وأنا قررت أضل بالعقبة لحتى أتعرف أكثر على ناسها وأهلها الطيبين، وصارت هالحكاية 😍 وإليكم التفاصيل ✍
بعد ما ضليت لحالي بالعقبة، قعدت بالشارع وكتبت منشور على الفيسبوك على مجموعة (مسافرون بلا حدود - رفقاء السفر) إنه أنا موجود هون لعدة أيام، وبحب ألتقي بأي شخص مهتم، وفرصة نعمل مغامرات جديد 💪🏻
من حسن حظي، ولطف الله بنا، استجاب للتعليق (بهاء ومُحمد أبو تايه) أروع شباب ممكن تتعرفوا عليهم بالعقبة، قصتهم مُلهمة بكل معنى الكلمة، وهم يمثلون المعنى الحقيقي للقول (الدنيا لسة بخير) ورجوني العقبة بعيونهم، وقاموا باستضافتي أيضآ، وبسببهم بدل ما أمدد إقامتي هناك يومين، مددت 10 أيام!
بعد ما تواصلنا وتبادلنا الحديث، خبروني إنهم بعرفوا قصصي الي بنشرها على المجموعة 😊 واليوم تشرفت أكتب قصتي معهم 🙏🏻
بهاء ومُحمد عندهم هوستيل إسمه حكايا، وهو أول هوستيل بالعقبة، هو صحيح نزل، لكنه برتبة خمس نجوم من كمية الدفئ والعناية والنظافة الموجودة فيه!
النزل تبعهم، مكون من مكانين مختلفين، المكان الأول الي هو في الإقامة وغرف الاجتماعات، والمكان الآخر هو عبارة عن مساحة مخصصة لراحة ولقاء الرحالة وكتابة قصصهم، وأيضاً هو مخصص للولائم الشهية واللذيذة الي بحضرها الشيف مُحمد، بصراحة هناك أكلت ألذ مقلوبة بالحياة 😍
أي شخص بروح على العقبة، ضروري يتعرف عليهم لينضم لعائلة حكايا العقبة، تعرفوا عليهم أكثر من خلال الفيديوهات الموجودة على صفحة الانستغرام والفيسبوك.
بصراحة بهاء ومُحمد أثبتوا المقولة إن أقصر مسافة بين شخصين هي "القصة" ومن أجل أن تبدأ القصة، لابد أن يكون لدى أحدهم فضول لكي يسأل؛ ويكون لدى الآخر جرأة لكي يجيب!
وفعلاً، قصرت المسافة وصارت وحدة من أجمل القصص
احكولي شو رأيكم بالفكرة؟
حابين تزوروا المكان؟
شو رأيكم بالفيديو؟
التعليقات