ليش الاشعارات ادمان وكيف لازم نتخلص منها كل هاذ بتلاقوا في مقالة
ادمان : شو بنعني بهاي الكلمة ؟؟
بالمعنى الحرفي هيك بعني :
الإدمان هو اضطراب في نظام المكافآت في الدماغ ينشأ من خلال آليات النسخ وعلم التخلُق، ويتطور مع مرور الوقت نتيجة التعرض المزمن بمستويات عالية لمحفز للإدمان (مثل تناول الطعام، واستخدام الكوكايين، والانخراط في النشاط الجنسي، والمشاركة في الأنشطة الثقافية التشويقية مثل لعب القمار، وما إلى ذلك)
يعني هو ب الاخر مكافاءة العقل بعتبره يعني بس توصلنا رسالة بنص الدراسة بنعتبرها شو ؟؟
مكافاءة وبنخذ بعدها برييييييييييك لمدة سنتين "هههههههه" مع انو الرسالة شو بتكون محتواها
"لقد قام عبد الله بعمل اعجاب لمحمود احمد "
وانا مالي ب احمد و محمد ؟؟
بداية الاشعارات كانت مع شركة ابل سنة "2009" وهو انو خلت الاشعارات تظهر على شاشة الموبايل ,بقصد انو ممكن في شي جديد وصلك ممكن يهمك علي بعثلك رسالة منى بعثتلك تعي نشرب قهوة في حتة بعيدة ههههه , زودتها ما ؟؟
بعدها بسنة يا ترى مين لحق ابل ... وحش السوشل ميديا فيسبوك وبهيك انتقل الفايروس وبلش ينتشر شوي شوي ومين المتاثر يا ترى بزاااابط انت عزيزي القارئ
مش جايين نحكي كيف طلعت فكرة الاشعارات ولكن جايين نحكي انو صارت ادمان صرت انت عزيزي القارئ تضلك تستنى ب اشعار كانه هو حياتك تستنى تستنى و تستنى واذا صحيت وما لقيت اشعارات يووو ف انت شخص بائس حزين وبتكتئب
انا هون اليوم حتى اقلع انا وياك عن ه الادمان .
راح تقلي كيف ؟؟ وراح تحكي هل انا مدمن ب الاصل نعم انت مدمن بس انت ب الاوعي عندك صار شي طبيعي
هلا يلا هات ايدك معي خلينا نبطل هاي العادة السيئة كيف ؟؟
في كثير حلول في تطبيقات بتغلي انو يصولك اشعارات وفي تحديثات جديدة لنفس الموبايل بتقدر تسكرهم .
بس تسكرهم وتبطل تستنى اشعار جديد خلي اشعار اهدافك يوصل ل الك حتى تحقق مرادك هاي الحياة سواء تكون مبرمج/طبيب/صاحب شركة /مليونير او حتى تتعلم السباحة "الاشي يلي انا مش عارف اتعلمه هههههه "
في النهاية بحب اقلك الموبايل سلاح ذو حدين استخدموا ب المتوسط ف خير الامور اوسطها
اذا كنت بتقرا من منصة ملهم بتمنى تضيفني على الانستا لاني راح اشرح عن التطبيقات يلي راح تساعدك ب الايام الجاي وراح نحكي عن "صيام الدوبايمين "
INSTA :@RRAMII4
التعليقات
كتير مهم وحلو المقال، أحسنت الانتقاء