سألت العديد من الأصدقاء عن أجمل شيء قيل لهم والردود كانت عبارة عن جرعة سعادة.

الأجوبة تبعث راحة نفسية وسعادة بالغة للقارئ والقائل على حدّ سواء, فاستذكار هكذا جمل يساعد المرء على استشعار الجمال والحب من حوله, ويدرك بذلك قيمة محبيه ووجودهم في حياته.


أترككم مع الأجوبة...


م: اممممم بابا وماما قالولي قبل شوي انو بيبعتوني ع اخر الدنيا بدون ما يخافو عليي لاني واعية و بعرف مصلتحي و بيوثقو فيني.

-أ:بدّي أعمل متل اللوحة لمّا بروح على معرض أتأمّل باللوحة وضل هيك عم بتطلع فيها وما مل أبدًا لأحفظ كل تفصيل فيها، بس هالمرّة أنتِ اللوحة، كوني أنتِ اللوحة يا أ.

-ج: عمري ٣٧ سنة، قابلت ناس كتير، بس بحياتي ما عرفت حدا أحنّ منّك.

-ج: أنتِ أحنّ رفيقة قابلتا بحياتي.

-خ: ولادتك كانت وما زالت خير علينا، أنتِ دائمًا مريحتيني مافي يوم حكيتلك اعملي شي وما عملتيه  ولا أصلًا خليتيني أحتاج أقلك دائمًا بتدرسي لحالك و الله هاديكي وفاتحها عليكي وموفقك وماشية بطريقك فمش خايف عليكي.

م: من زوجي بضل بقلي انو مآمن بموهبتي وأني رح انجح وبنتي قالتلي شكرا عتربايتك النا.

-غ: لمّا أتفلسف عالنّاس المكتئبين بحكولي شكرًا لأني ارتحت بعد ما حكيت معك.

-و احلى شي انحكالي غير هيك في شخص بحكيلي سنفورة وبحس أحلى شي بسمعو بالحياة، وطبعًا هو ما بابا ولا ماما لكن بحسها كتير حلوة لمّا أسمعها.

ب: أنتِ شخص كتير محبوب بين النّاس يعني الله بحبك وقتها حكتلي ياها ماما.

-م: أمم والله مابعرف بس إنّي طيّب ومحترم وهيك شغلات.

-ل: you are a great friend.

-س: بابا قلّي أنتِ أغلى علي من عيوني. -آنستي قالتلي أنتِ الأولى أنا متأكدة وفعلًا طلعت الأولى. -رافقت كتير ناس بس متلك مافي.

-ج: مثلًا لمّا حدا عزيز علي يقلي بثق فيكي، و رح ضل معك و أنتِ قدا وقدود، أو لمّا رفيقتي تقلي إنها بتحبني.

-ه: بابا قلّي إنّو أنا الّي رح يرفع راسو فيني.

-ما: يمكن لما قالتلي صديقتي إنو كل شوي بتذكر كلامك و بتشجع وبالنّهاية سويت الّي بحلم فيه.

-ز: أنتِ أقوى حدا،ومانك بحاجة دعم حدا.

ش: بنبسط بس تكوني مبسوطة، و أنتِ حلوة.

-ل: يعني لمّا أبوي دائمًا يقول أنتِ قطعة من قلبي ولو بدّك عيوني بعطيكي اياهن، ولمّا أمّي تقول إنّي صديقتا الكوول ورفيقة دربا الأفضل و إنّو دائمًا بتسمعلي لو شو ما صار وفخورة إنّي بنتا، ومن أخواتي دائمًا بقولولي إنّي الأخت الأفضل وكل ما بكون تعبانة بحكوني حكي كيوت و مرّة آنستي قالت دائمًا بكون فخورة لأنّو عندي طالبة مميزة وخلوقة متلك وبسببي حبّت صفنا، وخالاتي بضلّوا يقلولي إنّي حلوة و أنيقة باختياراتي للبسي و إنهن واثقين وفخورين فيني وفي كتير شغلات تانية بس رح أكتفي بهدول لأني حسّيت إنّي حكيت كتير

-ر: الّي خطر عبالي هلأ  أنتِ حدا كتير قوي لا تندمي عأي شي عملتيه طيبة من روحك لأنك انسانة قوية و طاهرة من جوا.

أمّك بتفتخر فيكي ومبسوطة منك و لو كلّ النّاس متلك.

ج: a whole semester with u was only few hours but u have no idea how u inspired me, drawing believe in myself & I get close to Allah.


جزء آخر من الأجوبة تجدوه هنا 

والآن دورك, أخبرني ما هو أجمل شيء قيل لك؟


التعليقات

Afaf Achour
Afaf Achour ١ تموز ٢٠٢٠

A Good Idea !

Kawaii Garu
Kawaii Garu ٢٥ حزيران ٢٠٢٠

كتييييييير حبيت التدوينة من جدد بتبسط الناس الي بيقرأوها وكتييير حلوة الفكرة حبيييتها كتير كتير كتيير عجيبة افكارك دايماً دايماً دااايمااً لا مثيل لها والله 😍😍👏🏻💕 بيرفكتوووو شاتسي الرهيبة 💕💕💕💕