يشمل مصطلح السوشيال ميديا على كثير من الإنواع المختلفة كمواقع الإنترنت أو حتي الشبكات الإجتماعية عبر الإنترنت وليها تأثير سلبي علي المراهق.
لية الميديا بتأثر علي المراهق؟
-لأن المراهق هش وبيحاول يعيد أكتشاف نفسه.
-لأن المراهق ثائر ومتمرد والميديا بتفتح لdه باب عالم التمرد.
-لأن المراهق عنده حب الأستطلاع والأكتشاف.
-لأن المرحلة ديه بتتميز بالخيال والعاطفة والميديا بتلبي ده.
المراهقين بيتابعوا السوشيال ميديا بأستمرار علشان الأسباب ديه:
-المراهقين بيتفقدوا مواقع التواصل الاجتماعي والبحث عن أي جديد بيها، وبيتابعوا الآخرين وما نشروه عليها أكثر من 100 مرة في اليوم الواحد, وكمان عندهم شغف كبير وفضول لمعرفة اللي بيحصل أونلاين وهما مش موجودين، وبالتالي ده بيدفعهم أنهم يتفقّدوا المواقع و البرامج ديه مرات كثيرة ومتكررة، فتصبح المواقع ديه جزء كبير من حياتهم اليومية ومش بيقدروا ينقطعوا او يتخلوا عنها.
أقيمت دراسة أمريكية عن ما يفعله المراهقون في سن أعدادي علي السوشيال ميديا و كانت النتيجة:
-61%من المراهقين اللي شاركوا بالبحث قالوا أنهم بيتفقدوا مواقع التواصل الاجتماعي بشكل متكرر علشان يشوفوا عدد علامات الإعجاب والتعليقات علي ما ينشوروه.
-35 % قالوا إنهم بيعملوا ده علشان يشوفوا أصحابهم بيعملوا ايه من غيرهم أو وهما مش موجودين.
-في حين ذكر 21 % أنهم عايزين يتأكدوا من عدم ذكرهم بأي حاجة وحشة وسيئة في حقهم من الآخرين وهما مش "أونلاين".
-بينما رصد نشر صور وفيديوهات جنسية في 15 % من الحالات.
أضرار السوشيال ميديا علي المراهق:
-الثقافة الجنسية وتشويهها.
-القيم والمبادئ الخاطئة.
-المثل والقدوة والفكرة الغلط عن البطل.
من مخاطر السوشيال ميديا علي المراهق:
1- المحتوي مش ملائم دايما.
الحل: لازم يتحدث الآباء مع الأبناء عن محتوي المواضيع اللي بيقرأها ولما نلاقي محتوي مش ملائم لازم اننا نوجه الأبن بشكل مباشر ومش سرا و يمكن للأهل تحميل بعض البرامج التي تغلق الصفحات الأباحية علي طول وتمنع انها تظهر.
2-مخاطر عضوية
الحل: توجيه المراهق انه يعمل بعض من الأنشطة الخيرية والأجتماعية وتشجيعة علي ممراسة الرياضة.
3-مخاطر نفسية وعاطفية
الحل: الأهتمام بالتشجيع وأظهار الأعجاب بيه وبما يفعله ويحتاج المراهق لوجود قدوة يحترمها ويعجب بيها ويجب انه يلاقيها في أهله.
4-التنمر الألكتروني:التنمرالالكتروني هو استخدام الإنترنت والتقنيات المتعلقة بيه بهدف ان حد يسبب ضرر للأخرين بطريقة متعمدة ومتكررة وعدائية.
الأستخدام الصحي لشبكات التواصل الأجتماعي:
ان اساليب التربية لأبنائنا مبقتش بتخضع فقط لتأثير الأسرة والأصدقاء والمدرسة لكن أصبحت شبكات التواصل الأجتماعي عنصر فعال بشكل كبير في طرق التربية علشان كده لازم يضع الآباء خطة التربية الخاصة بيهم متضمنة علي كيفية أستخدام شبكات التواصل الأجتماعي بشكل صحي لأنه مفيش مفر من أستخدام الأبناء وخاصة المراهقين ليها.والأستخدام الصحيح بيعتمد علي المرحلة العمرية التي يكون فيها الأبن.
-من الأحسن ان نقسم وقت النوم بالشكل التالي فالأطفال والمراهقون بيحتاجوا الي فترات من النوم ما بين 8-12 ساعة وده حسب الفئة العمرية, ويحتاجوا الي نشاط بدني لمدة ساعة علي الأقل , ووقت محدد يضعة الآباء لأبنائهم علشان يفتحوا فيه شبكات التواصل الأجتماعي.
إمضاء : هايدي المصري
(ممكن كمان تقرا مقال "المراهقة المرهقة")
حلقات هتساعدك علي قناة اليوتيوب:
الحلقة رقم"5" التعامل مع العند
الحلقة رقم "13" الأتفاق علي المبادئ
الحلقة رقم"33" مراهق عنيد
الحلقة رقم "30" سمات مرحلة المراهقة
التعليقات
شكرااااااااااااااااا استاذة هايدي المصري