هناك بعض الأهداف بحياتنا تظل مجرد احلام إلى حين تحقيقها

احتياج انسان محتاج


ومفيش انسان شبعان


وكله مشتاق لحاجات


صعب تتقال و تبان


لكل منا حكايه


بسيطة او فيها روايه


لكل منا احلام


تتحقق او تتهان


لكل من غايه 


يوصلها او ينساها 


ومين فينا ناسى


والزمن اصبح قاسى


لكل منا جراحه


خفيفه او بتتقاوى


ولكل منا مشاغله 


واللى مش عاجبه عادى وايه ذنبه


لكل منا مخاوفه


يستسلم ليها ويرفع رايته


او يقاوم ويدافع ويأمن بنفسه


لكل من شئ عاجبه 


يحب ديما يكون جانبه


لكل من هوايته 


اللى تخليه ينسى مشاكله 


وكل اللى شاغله


لكل منا حياته


اللى عايش فيها بمذاجه


والمذاج عالى غالى


او تعب وذاق مرار الليالى


والمر فى الدنيا كتير 


ولا اصبح فيها الخير


ماهى فتحت عيونا كتير


ولا حدش فضل غلبان


ولا عاد فينا برئ وبسيط


ولا فينا انسان طيب ويحب لغيره الخير


مالنفوس شالت بلاوى


والقلوب سوادها دمار


واه على البسمات الخفيه


ماليانه استهزاء و سخريه


ولا بقى فيه ضحكة قويه


ولا فيه ضحكة مزاجيه


مالضحك اصبح الوان 


الوان غامقه من البستان


بستان فيه كتير ورود


ورده فيها الخوف


وورده الحزن ساكنها


ورده فيها الموت


وورده تدور على اللى يصونها


وتمشى الحياه وتعدى 


وبكره مش ملك يدى


واهو كله ماشى وعادى


وياريتنى ماشيه بمزاجى


بس الحياه نسيتنا فى مكان بعيد عن بيتنا


وبيتنا يعنى الامان 


والامان مات من زمان


والزمن بيعدى بسرعه 


والخوف من الذكرى الحلوة


تفوت ولا ترجع تانى


ومع مرور الايام 


اشوف مكانى مش عشانى


و آه منك يازمانى انانى


#bobaia

إقرأ المزيد من تدوينات الالوان المبهجة 🥰❤️ salma Mahmoud Etman

تدوينات ذات صلة