حب الحياه بقلب نقى 👌🏻 عيش الحياه بمنظور اجمل 👌🏻❤️🤩
انا غير كل الناس
انا مش زى باقى البشر
انا بتحدى كل الحزن والتشاؤم
انا اعلى من الفرح والتفاؤل
انا مخلوق مبسوط
عايش حياتى بعلو الصوت
انا فرحان فرحان
ومفيش للحزن عندى مكان
انا صادق بكلامى
مش كاذب باوهامى
انا عندى احلام
هتتحق يوم
انا عارف حاجات غير ماعرفهاش
عارف معنى الحياه وازاى تتعاش
اصل انا مش انسان عايش ياكل وينام
اصل انا مش ورد فيه الشوك والالام
انا اصلى راضى بالقسمه والنصيب
وعارف ان البعيد هيكون فى يوم منى قريب
مابشلش هم بكره عشان اعيش النهارده
ماعرفش حاجه عن امبارح غير ذكرى سعيده فى قلبى محفوره
كل مافرح افتكرها وكل ماحزن تنسينى حزنى
انا عايش على ذكرياتى الجميله
انا عايش على الامل والتفاؤل
واخاف ليه
وانا بكره مش بايديا
ده بايد الخالق
والماضى عدى وفات
وليه اعيش فى جراحه
واضيع لحظات فى حياتى على الفاضى
اصل عمرى امبارح راح
والمستقبل ده ماعرفهوش
يجى زى مايجى
هاعيشه يعنى هاعيشه
وهاعيشه مبسوط
اصل الحياه مش واقفه ولا بتستنى
الحياه مستمره
مش واقفه على حد مات
ولا بتستنى رجوع قريب
انا عايش راضى ومتراضى
راضى بحالى وانا مالى
ان جالى الحزن هترده
ان جالى الفرح هندهه
ان جالى الشر هبعده
ان جالى الخير هاحمد ربى على نعمه مش عند كتير من الناس
او يمكن موجوده عندهم بس هم بقيمتها مش حاسيين
انا شخصيه طبيعيه عايش فى الدنيا ديه
مش هاقول انى سويه عشان مفيش شخصيه سويه
مش هاقول الحياه مفيهاش مشاكل
بس كل مشكله وليها حلها
ولاهو لازم نتشاكل مع المشاكل
انا انسان مش عادى بتحدى الحزن وادوس عليه برجليا
انا مخلوق فى الدنيا ديه عشان اعيشها مبسوط سعيد
مالى انا بالحزن الكئيب
اصل انا معرفش الانانيه
ولا حتى كلمه من اللى مش هى
بس اعرف التواضع والمحبه
واعرف السعاده والفرح
واعرف ان فى حاجات بتيجى حبه حبه
وليه استعجلها
ماتيجى وقت ماتيجى
ما بكره جاى جاى
احب الفرح لغيرى حتى لو يوم اذانى
معرفش اشيل من حد اصل يوم ممكن يشيل منى
واللى بعمله النهارده فى الناس هيطلع على عينى بكره
ماعرفش احاسب حد اصل الحساب ده لربى
ماعرفش اغير من حد
اصل الغيره دى مش من طبعى
لو يوم ضيقت حد ياريت يقدر يسامحنى
انا غير كل الناس اصل انا مخلوقه من الاحساس
عرفتونى انا مين
انا انسانه مش طبيعيه
مجنونه بالدنيا ديه
مافتونه بعمرى
والفرح فى حياتى ملك ايدى
انا عندى حلاوه روح مش زى اى روح
انا اعرف قميه اللى قدامى واعرف ازاى احافظ عليه واقدره
اعرف معنى الصداقه
واعرف اعيش الحياه
اصلى عايشه حياتى صح
ماهو عمرى مش بايدى
ممكن اموت النهارده او بكره او بعده
والموت بيجى فى لحظه
وانا احب اعيش اللحظه
لو غلط اتعلم من غلطى
وفيها ايه مين فى الحياه مابيغلطش
واعيش حياتى عادى واتمنى الخير لغيرى
انا اصلى بحب الحياه ومجنونه بحبى ليها
عشان كده عايشها بفرح تفاؤل وامل
ماهى دى 3 حاجات
اقصد 3 اسرار من اسرار الحياه
ياريت تعملوا زى تحبوا الحياه وتعيشوها
وتنسوا الماضى وتفكروا بالحاضر
عشان ممكن يترتب عليه المستقبل
ولو جيه المستقبل هتفكر فى الحاضر اللى هيبقى ماضى
وليه تبص لورا وتعلق نفسك بالماضى
دى الحياه زى الكتاب
مكون من صفحات
فيه صفحات سعيده وغيرها حزينه
ولو فكرت فى الحزن هتنسى معنى الفرح
ومش هتشوف مستقبل
عيش حياتك صح
عيشعا بفرح وتفاؤل وامل
وانسى اى جرح
حب حياتك وابتسملها
بكره تحبك وتبتسملك
امضاء
محبه للحياه
#bobaia
التعليقات
ياريت ينفع نبعد عن المشاكل
وكلمة معلش وآسف اللي كل شخص شيفها حل لأي حاجة