يومياتي من داخل المحكمة في بداية تدريبي، وتتضمن مجموعة تجارب خلاصتها تحفيز للاستمرار
#يوميات_محامية_قيد_التدريب 📖
#صدمة_أول_مرة
#كِيف_أتغلب_على_خوفِي
طبعا طول وأنا ادرس بالجامعة بكالوريوس وخصوصـًا لحد متلي عمره ما زار المحكمة😅 كان جوات راسِي في شكل للمحكمة بيشبه شَكل المحاكم بِالمسلسلات المصرية والأفلام الأجنبِية 😎
وإنه في إشي ضخم وكبير وساحات واسعة، وإنه بكون المحامي يتحرَك ويمشِي، وفِي مرافعات علنِية وناس كتير بتحضر الجلسِة.
لكن عزيزتِي/عزيزي القارِئ الصدمة كانت في أول زيارة 😰
بتزكر كنت وقتها ماخدة وضعِية الصدمِة لاغِير إنه أنا وين ؟! وشكلِي مخربِشة بالعنوان؟! 😂
بلحظتها كمية العجقه والضغط بالمكان هِي أزمة نفسية لشخص بكره الاكتِظاظ غِير عن الدخان اللي بتحس إنه ريحته لزقت بأواعِيك رغم إنك ما قربت عّ حد بيدخِن😞وشعور إنه كل الوجوه متشابهة وإنه أنا بمكان مش مكانِي وما بعرِف أي حد أبدًا بسيطر عليك
وبتتحول من شخص متدرِب صغنون لشخص مضغوط بعالِج مشاكله النفسية مع العجقات والتجمعات والأصوات العالية، وبنرجع كأنه بالزمن لعمر سنة أو سنتِين وخايفين نوقف لحالنا وبدنا حد من أهلنا يمسك إيدنا 👶
بحب احكيلكم إنه عادي جِدًا اه بعرِف صعِب بس عاااادي
لهيك ما تتوتروا وتمالكوا نفسكم ولملموا شتات أفكاركم؛
لأنه دائما أول مرة من كُل إشي بتكون صعِبه بس مع الوقت بتتعودوا وبتتخطوها من خلال معالجتكم لإلها
طيب يا رنِين كيف بدك تعالجيها ✋😏؟
📌في أول أسبوع صرت أتقرب من الأشخاص يلي بعرفهم وآخد بإيدهم لحتى يرافقونِي، وأبدًا مِش عِيب لو طلبنا من زميلتنا أو زميلنا يشاركنا بسماع الجلسات لأنه مافي حد بقدر يتأقلم طول وهو خايف من الوحدة في مكان وظرف جديد.
📌مع الوقت صرت اعرِف وين أفضل مكان بالجلسة لحتى أسمع الأصوات اللي حولي والكلام يلي بصير بالقاعة؛ لأنه اول أسبوع مرّ وانا فاقدِة السمع الكلِي وجد كنت مرات ما أفهم ولا إشي وإنه ارتِعب من مجرد تخيل اكون بمكانهم وما أسمع القاضِي شو بحكِي معِي.
📌بلشت أتدرج في زيارة أجزاء المحكمة وأحاول أكون المستكشِف الصغِير وأتعلم لحالِي لأنه لو ضليت مكاني وما تغلبت على خوف البداية مستحيِل أقدر أكمِل.
📌 صرت أربُط كل إشي بسمعه بالقوانِين يلي درستها واتناقش مع اللي حولي بنقطة ما فهمتها وأضل أسأل أسأل أسأل ... حتى عن أتفه الأمور؛ لأنه مش عِيب أكون ما بعرِف بس العيب إنه ما أحاول أو حتى أجرِب أعرف.
صدقونِي بالتدريج وشوي شوي التركيز عندكم بصير يرتفع وبتصيروا فاهمين وحافظين كل إشي بصير حوليكم حتى بتحفظوا وجوه الناس اللي بالمكان وبصيروا مألوفِين، يعنِيمرحلةورح تمضي بسلاااام💪
بس الأهم هو كيف نبلِش نكسر حاجز الخوف والرهبة اللي طبيعي جدًا يرافقنا بأول أسابيع ويمكن أشهر.
احنا مش سوبر بس إحنا فينا نكون سوبر 😉👍
التعليقات