تعريف لل Business model وكيفية استخدامه و اهميته بالنسبة لرواد الاعمال (الجزء الاول)
الا هو ايه البيزنس موديل ده يا عماد ؟! 😕أنا أقولك البيزنس موديل ده ببساطة شديدة هو نموذج تخطيط بيتم استخدامه عند مرحلة التخطيط لمشروع ما
و ده علشان نخلي بالنا و نتدارك الأخطاء اللي ممكن نقع فيها أثناء إدارة المشروع
طيب هل النموذج ده مفيد في كل أنواع المشاريع
شوف هو نظريا اه إنما عمليا مش كله
يعني بتكون فايدته في المشاريع الخدمية زي الموبايل ابليكيشن و كدة أكبر
خليني اقولك كمان إن البيزنس موديل تم إبتكاره عام 2010 على يد Alexander Osterwalder
طيب ما هو قبل كدة كانت المشاريع بتتعمل من غيره عادي اهو 😒
أيوة فعلا قبل ظهور البيزنس موديل كان بيتم الأعتماد علي دراسة الجدوي و خطة العمل بس
بس بعد ما ظهر البيزنس موديل بقي هو اول حاجة لازم نعملها قبل دراسة الجدوي كمان 👌
ليه الكلام ده ؟ , لان البيزنس موديل بيجاوب علي سؤال مهم جدا و هو أساس اي بيزنس
وهو ايه اللي المفروض نقدمه؟ و لمين ؟
و بعد كدة تجاوبنا دراسة الجدوي علي إن كان ما سنطبقه هايعود علينا بالربح ولا لا؟
و بعدين نحط خطة العمل و نبدأ في التنفيذ
يعني ببساطة كدة نقدر نقول إن البيزنس موديل هو اللي بيخلق شخصية و جوهر شركتك و بيميزك عن منافسيك
تعالوا بقي نعرف هو بيتكون من ايه؟!1- القيم المقترحة أو العرض المقدم value proposition
و هي بإختصار شديد القيمة اللي بتقدمها شركتك من خلال منتج أو خدمة و بيحصل عليها العميل2-شرائح العملاء customers segments
و هي بإختصار بردو عملائك المستهدفين و دول بيتقسموا لشرايح هنتكلم عن كل نوع من الشرائح دي بعدين3 – قنوات التوزيع distribution channels
نقدر نقول أن دي هي حلقة الوصل و نقطة التلاقي بين القيمة اللي بتقدمها و بين عملائك المستهدفين4 – العلاقة مع العملاء customer relations
و هنا بتوصف علاقتك بالعملاء بتوعك و دي نقطة مهمة جدا لأنك لازم تخلق علاقة مع عملائك و ماتحسسهمش أنهم بيتعاملوا مع مجرد منتج او خدمة لازم تربط اللي بتقدمه بمشاعرهم و بحياتهم5 - مصادر الايرادات revenue stream
و لازم هنا تنوع مصادر إيراداتك و ماتعتمدش علي مصدر واحد بس6 الموارد الاساسية key resources
أظن باين من العنوان إنك هنا هتذكر الموارد الأساسية اللي بيقوم عليها مشروعك زي الموارد البشرية و المادية و المعنوية
يعني مالناش دعوة باي موارد ثانوية ها !!7- الأنشطة الاساسية key activities
و دي الأنشطة اللي بيتم إستخدام الموارد الأساسية فيها , يعني مثلا أنت بتعمل عصير ليمون هنا الليمون (موارد اساسية) و عملية العصر (انشطة اساسية)8- هيكل التكاليف cost structure
و هنا بقي بنذكر كل التكاليف الثابتة و المتغيرة كمان9- الشركاء الأساسين key partners
و هنا ماقصدش شريكك في الشركة اللي هو أغلب الوقت بيكون صاحبك اصلا
لا أنا اقصد الشراكات اللي بتساعد علي نمو و إستمرار شركتك زي شركات الدعاية و الهيئات الحكومية و هكذا و طبعا الشراكات دي متغيرة و مش مستمرة علي حسب إحتياجك ليها في كل مرحلةهتلاقي شكل البيزنس موديل في الصورة
التعليقات