هذا الوقت سيمضي ، تذكر ... وأنت في طريقك للبحث عن حياة لا تنسى أن تعيش .
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
حياتنا عبارة عن دائرة بنلف فيها من أول ما ينولد الإنسان ويغوص جوه ذانه صوت الآذان ،
لتبلش حياته من داخل غرفة بمستشفى وأمه بتحمله وبتضمه لصدرها وبتحميه وبتربيه
مع أبوه ، ويعيش مع أخوانه ليكبر بعد سنوات ويروح المدرسة ،ويتعلم ويكمل هالمشوار ،
وتلف عقارب الساعة ، ويسبقه الوقت ويكبر ويفوت عالجامعة ، ويختار تخصص هو الي رح يدير
دفة حياته ، وممكن يلاقي حب العمر ، ممكن تفشل هالتجربة ،واذا نجحت بيكمل حياته مع
نصه الثاني وبيفتح بيت .
وبيخلف ولاد ليعيش عمره يربيهم وبيصرف عليهم ، ويكبروا ليعيشوا نفس قصة حياته ،
وبعدها بيصير الهم جناحات ليطيروا من هالبيت ليصفي مع مرته لحاله ، بيكبر ويكبر جسمه
وهمه و مرضه معه ، وبيصير الوقت يمر عليه ببطىء ، خصوصا ً مع المرض ،
بيرجع يمشي بالعكس لحد ما يوصل لأول نقطة بالدائرة ، ويرجع يعيش نفس
ملامح طفولته ، المشي ببطئ وممكن المشي على أربعة ، وممكن يظل نايم عظهره
ليستنى الموت بكل لحظة ويرتاح ، ويظل ذكراه الطيب وعمله الصالح .
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
التعليقات