كيف تستثمر رمضان وما بعده وتعلم أهمية التوقف عن المعاصي ومن ناحية أخرى تتدرج في سلم الطاعات؟
رمضان شهر عظيم، رمضان شهر جميل جدا جدا والله وحرام عليك تضيعه دا فيه عتق من النار، انت متخيل لما تعتق من النار وتكتب فالصحيفة انت مش هتدخل جهنم، حاول تجتهد من أجل رضا الله والجنة..
- لا تقترب مما حرمه الله ونهى الرسول عنه
يعني.. بلاش تلفزيون، بلاش موسيقى وكلام مثير للغرائز وصوت أنثى تثيرك، بلاش تهري مع البنات فالفاضية والمليانة والكلام اللي يحتمل معنيين أو تهزر، بلاش تتفرج على إباحية او تمارس عادة سرية، غض بصرك اوي صدقني دا مهم جدا وهيعالج مشاكل كتير عندك.. (المشكلة ف مجتمعنا حاليا هي النظرة الأولى اصلا اللي ربنا مش هيحاسبنا عليها) لأن الفتن اشتدت جدا وهتكلم عليها ف نقطة تانية ان شاء الله.
لو بس اهتميت وبذلت 99٪ من مجهودك انك تبتعد عن اي حاجة حرمها ربنا و 1٪ بس انك تعمل طاعات يعني قدام كل دا ف رمضان توبة لله وتقرأ صفحة بس او تتدبر الفاتحة بس طول الشهر وتطلع صدقة نص جنيه بس وتروح التراويح وتدعي ربنا
انت كدا بفضل الله انسان عظيم جدا
اعمل طاعات قدر استطاعتك، لكن عند المعاصي استوب، لازم تقف بأي تمن..!
بعد نهاية الشهر الكريم ان شاء الله بالمسار دا، أهنئك انت اتغيرت بفضل الله
وتذكر مسارك كمسلم ينتهى بوفاتك مهواش مكان او منطقة بتبقا فيها، لا أنت بتفضل تحارب الوحش الحقيقي اللي هو انت كل يوم عشان ربنا يرضى عنك وتدخل جنته.
والسلام..
التعليقات
معلومات قيمة