التغلب علي عقبات المذاكرة الستة 🤩وكيف تجعل من المذاكرة هواية😉
صعوبات المذاكرة وكيف تتخطاها ببساطة🤩
من الأمور الذي يعاني منها اولياء الأمور والطلبة بشكل مستمر هي كيفية المداومة علي المذاكرة وتحصيل أكبر قدر من المعلومات بأقل وقت ومجهود.
وهنا معانا ستة خطوات هي عبارة عن أهم الصعوبات اللي بتواجه الطلبة أثناء المذاكرة وكيفية التغلب عليها.
أولا: كلمة المذاكرة مرتبطة بالذهن وبالأفكار علي أنها شئ إلزامي و وثقيل وواجب لابد من تأديته، لكن إذا بحثنا في الواقع سنجد أن الإطلاع او المذاكرة هي ضرورة لتغذية العقل مثل الطعام والشراب.
فلو بدأ كل ولي أمر بتغيير طريقة الاستعداد للمذاكرة علي أنها طريقة لتحصيل العلم وتطوير العقل وتنمية عضلات المخ والذاكرة ستتغير بالتالي انطباع الاولاد عن المذاكرة مع إضافة وقت مثلا يخصص بالإطلاع علي معلومات خارجية للمادة المحببة للإبن او البنت، يعني مثلا لو الإبن بيحب مادة الحاسب الآلي لا مانع نحفز الإبن بمشاهدة بعض الفيديوهات عنها أثناء المذاكرة أو لو الإبنة بتحب التاريخ او الجغرافيا ممكن نشتري كتب مصورة عنهم وهكذا ، نوعية الدمج ده هتشعر الطالب إنه المذاكرة تمارين او هواية بتمارس زي الرسم او الرياضة، حاول تساعده علي الوعي بقيمة العلم لنفع نفسه وغيره.
ثانيا: الشعور بعدم الرغبة أو دفع النفس في المذاكرة.
من أكثر العقبات اللي بتواجه الطلبة وأولياء الأمور هي البدء بالمذاكرة ، وأنفع الطرق هي يكون للمذاكرة وقت مخصص بعيدا عن الملهيات يعني يكون الولد اخد وقته من النوم وتناول الطعام والجلوس مع الأسرة، ثم البدء بتنفيذ قرار المذاكرة في المعاد المحدد دون تفكير ، يعني خدت قرار بالمذاكرة إبدأ ، لا تعطي المخ وقت للتفكير.
طب إزاي؟؟ بالعد العكسي من 5 إلي 1 وهي قاعدة الخمس ثواني للبدء في إنجاز أي عمل ل ميل روبنز.
ثالثا : أنا كل ما بذاكر بنسي وبرجع أبدأ من الأول.
كلمة بنسمعها كتير ، وفي الحقيقة ومع التجربة إن علي العكس كلما ذاكرت كلما احتفظت بالمعلومة وقويت الذاكرة ، والحل إن قبل بدأ اي مادة يعطي الطالب تمارين بسيطة علي ما سبق طبيعي هيلاقي نفسه بيحل وبيتذكر المعلومات والجزء اللي تم نسيانه فقط هو اللي يتراجع.
كل شيء ممكن، المستحيل يأخذ وقتا أطول فقط. دان براون
رابعا: أنا أشعر بالتعب.
يفضل إن يتم تقسيم المذاكرة لجزىين جزء عملي لا يحتاج لتركيز ذهني مثل التلخيص او نسخ وكتابة بعض الدروس أو القوانين.
الجزء التاني: هو للمذاكرة وفهم الدرس وحل التمارين.
خامسا: أنا اشعر بالملل.
بصراحة الكلمة ده طبيعية ، لأن أكيد النفس بتحب الترويح والتغيير ، ده غير إن طبيعي مش هيكون نفس الشغف موجود لكل مادة طبيعي هنفضل مواد عن التانية ، طب والحل ؟
كل إنسان وله طريقة تناسبه في الدراسة المهم ولي الأمر يساعد ابنه يعرف الطريقة ده وممكن للتيسير عليه يحضر مجموعة ألوان فسفورية يقوم الإبن بالتخطيط وعمل دوائر علي المعلومات الهامة أثناء المذاكرة ، لو نفعت الطريقة ده يبقي الإبن هتنفع معاه الخرائط الذهنية ، وممكن تلخيص الدرس في نقاط وأنا عن نفسي بشوفها أنفع الوسائل للتحصيل في أي مادة علمية، وممكن الإبن يشرح الدرس لأحد افراد الأسرة وهكذا.
سادسا: عدم الشعور بالتركيز.
في حالة الشعور بعدم التركيز يجب أخذ قسط من الراحة بعيدا عن أي ملهيات كالهواتف أو التلفاز راحة حقيقية بإسترخاء للجسم والعقل بعيدا عن أي أفكار أو مجهود ليستعيد الجسم والعقل نشاطهم .
التعليقات