نية قوية وتحفيز بوعي مع إستمرار هتغير عاداتك السلبية بخطوات عملية لتسعد نفسك وتلهم غيرك.
كل شخص فينا عنده عادات يشعر إنها سبب عرقلته عن تحقيق أهدافه، أو سبب عدم النجاح المتكرر في بعض جوانب الحياة ، كالعلاقات أو التعليم أو العمل .
ومرات أخري يشعر أنه يقف علي إحدي ضفتي النهر ويري الشخصية التي يريدها تقف علي الجانب الآخر سعيدة وناجحة تنتظر منه أن يعبر إليها ، لكن هناك شيئان يعطلان العبور لتلك الشخصية التي نريدها:
أولا: إما عدم وجود هدف من التغيير.
ثانيا: ضعف الحافز للتغيير والحفاظ علي منطقة الأمان بالنسبة لنا.
لكن أيه الحل؟؟؟
الحل : هل لاحظت معي أن نصوص القرآن تجمع بين الترغيب والترهيب والوعد والوعيد، بل إن مراحل التغيير في حياتنا جميعا خضعت إما لتجنب الإحساس بالأم أو رغبة في تحقيق أمل.
في كتابي "ستيفن كوفي " العادات السبع للأشخاص الأكثر فاعلية والعادة الثامنة ذكر نقطتين لإصلاح أي عادة وهما:
الأول: إبدأ والغاية في ذهنك ، يعني عمليا لو عاوز تتخلص من عادة أكتب بالضبط في نقاط عاوز تغيرها ليه،؟يا تري أيه الأهداف اللي ممكن تحققها؟
يعني مثلا :عادة( التسرع والإنفعال ) أيه اللي ممكن تحققه لو بقي عندك تروي وهدوء؟
العلاقات اللي ممكن تحافظ عليها وتكسبها ،الوظيفة اللي ممكن تحصل عليها ، الشخصية اللي أنت عاوز تكونها، إرسم لوحة أحلامك وضع صورة لشخص عنده عادة التروي والحكمة والهدوء، تخيل نفسك كل يوم وأنت يتتمتع بشخصية هادية ومتحكمة ف أفكارها ومشاعرها، كم رضاك عن نفسك وثقتك فيها بعد التغيير ، إبحث عن حد في محيطك أو شخصية إتجسدت في عمل فني لديها عكس العادة اللي عاوز تغيرها وراقب تصرفاتها وطريقة تفكيرها عشان تقدر تتخلص من العادة، وكمان تعرف تفاصيل العادة الجديدة ، والأفكار اللي بتحفز التسرع والإنفعال فتتجنبها والأفكار اللي بتحفز الهدوء والتروي وتكتسبها، كمان هتكتسب خبرة في كيفية إستعمال العادة الجديدة في المواقف المختلفة، مع ضغوط الحياة وسلوكيات الآخرين.
علق لوحة أحلامك وارسم عليها صورة شخصيتك الجديدة كحافز ، كل يوم أعد نفس تجاربك السابقة في ذهنك لكن تخيل رد فعلك الجديد بشخصيتك الجديدة لأن ده بيحفز عمل نص المخ الأيمن المسئول عن الإبداع وهيساعدك علي الإستعداد للمواقف مسبقا.
الثاني: الألم لحل المشكلة ، يعني حاول تكتب الأمور الغير محببه اللي حصلتلك بسبب العادة السلبية (التسرع والإنفعال) كمثال:
إكتب كل المواقف والآلام والخسارات اللي حصلت لك بسبب العادة ده.
مثلا: عادة التسرع والإنفعال: اكتب المواقف اللي أحرجتك بسببها، الأشخاص اللي خسرتهم وهكذا.
حاول تحافظ علي تحفيزك ده: إما بلوحة الأهداف أو الأحلام أو تكتب ملصقات وتضعها ف أماكن ممكن تشوفها دايما، وتذكر إن الإستمرار أهم خطوة للتغيير ، لو استمريت أسبوع وبعدين كررت نفس العادة السلبيه ،استمر تاني وتالت ده أمر طبيعي لأن الماء لا يستطيع حفر حفرة في الصخرة إذا سكب دفعة واحدة ولكن نقطة ماء تسقط بإستمرار تحدث حفرا ، وكما قال النبي صلي الله عليه وسلم " خير العمل أدومه وإن قل"
إستمر ولا تلتفت لأي كلام سلبي أو محبط في الفترة ده تذكر شخصيتك التي تريدها تنتظرك بشوق علي الجانب الأخر ، لا تجعل أحد يؤخر الوصول إليها.
علي فكرة محاولتك فعلا تترك العادة إنت كده مش بتمثل ولا بتحاول تكون شخص تاني ، انت بتحاول تكون نفسك الحقيقية اللي ربنا فطرها علي الجمال والهدوء والحب،
وتذكر قول النبي صلي الله عليه وسلم"من حديث أبي هريرة رضي الله عنه أن النبي صلى الله عليه وسلم قال: «إِنَّمَا الْعِلْمُ بِالتَّعَلُّمِ، وَإِنَّمَا الْحِلْمُ بِالتَّحَلُّمِ، وَمَنْ يَتَحَرَّ الْخَيْرَ يُعْطَهُ، وَمَنْ يَتَوَقَّ الشَّرَّ يُوقَهُ».
استعن بالله وإنوي بصدق أنك تريد أن تكون أفضل لنفسك و ملهما لغيرك.
التعليقات