بتمرق معنا مواقف مع اطفالنا بالسفر، بالمطارات، بالمطاعم، بالاماكن السياحية وغيرها، كلكم عانيتو مع اطفالكم بالسفر ..اسباب بتخلي الاطفال ينكدو في السفر:
عادةً بكون عنا آمال وطموحات لما نخطط لسفرية عائلية، وبنقعد نتخيل حالنا كيف مبسوطين بالبلد اللي رايحينله، وعشان يتحمسو معنا الاطفال بنقعد نفرجيهم صور الاماكن ونحكيلهم شو رح نعمل هناك..
بس مع ذلك للاسف، هاد غير كافي :(
تقلبات مزاج الاطفال في السفر شائع، وسلوكياتهم المزعجة اللي بتظهر بتخلينا نفقد اعصابنا، وبنجحو انهم يقلبو مزاجكم وبنكدهم ينكدو عليكم ، وللاسف لا بننبسط ولا بنستمتع وبتقلب خناقات وطوش :_:
رح احكيلكم شوية اسباب بتخلي الاطفال ينكدو في السفر:
- روتينهم بخرب: الاطفال بحبو الروتين، بحسو بالاستقرار، أي تغيير بسببلهم ازعاج وهاد طبيعي بالنسبة الهم عكس الكبار اللي بدهم يهربو من الروتين ويستمتعو. ممكن نحافظ على شوية اجزاء من الروتين خلال السفر، وكل ماسافر الاطفال اكتر بصيرو اكتر مرونة.
- بحسو انهم فقدو السيطرة: لانهم فجأة خلال السفر بواجهو قوانين واماكن غير مألوفة، ويعتبر تحدي كبير الهم انه يتخلو شوي عن السيطرة ازا ماكانو مستعدين
- محفزات خارجية بكثرة، ممكن يشعرو الاطفال بالارهاق بسبب الاصوات او الاكل الجديد، وعلى عكس الكبار لسه الاطفال ما طوروا مهارات التكيف بشكل كامل وممكن يلاقو صعوبة في التأقلم، فهالشي ممكن يسبب نكدهم. مهم كتير نعطيهم مساحتهم ووقت زيادة للتكيف مع هاي التجارب الجديدة
التعليقات