لما قررت تكمّل توجيهي ما كنت تعرف إنك راح تدرس كل يوم وتعيش بمرحلة جديدة مزعجه وتنقطع عن الناس ؟؟!
أكيد كنت تعرف ..!
طيب ليش بتتذمر من ثاني شهر إلك توجيهي وبتقضي السنة وإنت بتتذمر وبتشكي ...؟!
لما قررت تدرس جامعة ما كنت تعرف إنك لازم تلتزم بمحاضرات وتدرس للامتحانات وتتعامل مع دكاتره مختلفة شخصياتهم.؟؟!
أكيد كنت تعرف..!
طيب ليش بتتذمر من ثاني سنه وبتقضي باقي السنواتوإنت بتتذمر وبتشكي...؟!
لما قررت تتزوج ماكنت تعرف إنك راح تبدأ حياة تحتاج منك مشاعر جديدة واهتمامات ومسؤوليات والتزامات دائمة.؟؟!
أكيد كنت تعرف..!
طيب ليش بتتذمر بعد الزواج وبتشكي وبتعيش بأجواء من النكد باقي حياتك...؟!
لما قررت تترك وظيفتك وتفتح مشروعك الخاص ماكنت تعرف إنك راح تمر بمشاكل كثيرة وتعطي كل وقتك وتستثمر كل تفكيرك لحتى ينجح مشروعك.؟؟!
أكيد كنت تعرف..!
طيب ليش بتعيش بنفسية مزعجة ودايماً مهموم...؟!
" حتى تعيش حياة سعيدة ناجحة لابد أن تبني ثقتك على معالجة المشكلات والتحديات التي تمر بك، ليس هذا فقط إنما يجب عليك تغيير طريقة تفكيرك بأكملها تجاه المشكلات، يجب أن تتقبل ذلك كجزء عادي من الحياة أو المشروع الذي بدأت سواء ( دراسة .. عمل .. زواج ..إلخ) وعليك أن تتعلم كيف تستمتع بهذه العملية.
كيف؟ بالإنغماس كلياً في المتعة والإثارة اللتين تنطوي عليها عملية البحث عن حلول..! "
بعد ما قرأت المقال أريدك أن تشاركني فعلاً إجابات الأسئلة التالية اللي ذكرتها في الأعلى:
- ليش بتتذمر من ثاني شهر إلك توجيهي وبتقضي السنة وإنت بتتذمر وبتشكي ...؟!
- ليش بتتذمر من ثاني سنه وبتقضي باقي السنواتوإنت بتتذمر وبتشكي...؟!
- ليش بتتذمر بعد الزواج وبتشكي وبتعيش بأجواء من النكد باقي حياتك...؟!
- ليش بتعيش بنفسية مزعجة ودايماً مهموم...؟!
هل عندك إجابات محددة شاركني فيها ! وتذكر دائماً أن :
الإيجابية تؤدي سعادة والسعادة تؤدي للعمل والعمل تؤدي للإنجاز والتقدم
التعليقات