زبدة القصة | الحلقة 7 | قصة ارامكس Aramex ومؤسسها فادي غندور
مؤسس وحدة من أكبر شركات البريد العالمية ، كان هدفه بسيط جدا ومباشر عشان هيك نجح بسرعة استخدم كل الوسائل لنقل البريد والبضائع حتى الحمير استخدمها ، صاحب فكرة Shop and Ship ومؤسس مؤسسة “روّاد التنمية” وشركة ومضة كابيتال للاستثمار ، عم نحكي عن فادي غندور مؤسس شركة ارامكس العالمية تابعو باقي القصة على قناتي زبدة القصة .من خلال الرابط التالي :
https://youtu.be/Uja5ku0GUI0
انولد فادي غندور عام 1959 بالعاصمة اللبنانية بيروت ، لكنه عاش حياته بعمان بعد ما انتقلت عائلته للاردن ، درس فادي العلوم السياسية وتخرّج من جامعة جورج واشنطن الأمريكية وخلال دراسته بأميركا تأثر كتير ب شخصية “فريدريك سميث”؛ الرئيس التنفيذي لشركة البريد الأمريكية (Fedex)، وعجبه اسلوبه القيادي.بعد ما رجع فادي ع الاردن بلش يفكر بتأسيس شركة لنقل وتوزيع البريد. وبأوائل التمانينات أسس هو وصاحبه الامريكي بيل كينجسون شركة نقل بريد ، وسماها أرامكس ، كان غندور بالبداية بشتغل اكثر من شغلة بالشركة ، لدرجة انه كان يسلم الطرود البريدية بنفسه .بهداك الوقت ما كان في غير شركة DHL الالمانية بمنطقة الشرق الأوسط ففكر فادي انو يبيع 50% من الشركة بمبلغ 100 الف دولار لشركة بريد عالمية امريكية ويصير هو وكيلهم بالشرق الاوسط فكان عندو اما شركة فيديكس أو شركة ايربورن اكسبريس فرتب اجتماع هو وصاحبه مع ادارة ايربورن ليقنعوهم بالفكرة بس بهداك الوقت ايربورن ما كانت مهتمة بشراء اي شركة بمنطقة الشرق الاوسط ، لكن بعد عدة محاولات من فادي غندور ولانو فادي ما بستسلم بسهولة ، قدر انو يحصل منهم على وعد بالتعاون وانو يعتبرو ع الاقل وكيل لالهم بالشرق الاوسط ، طبعا الشراكة مع هاي الشركات مش اشي سهل خاصة انو مين ممكن يربط سمعته مع شركة صغيرة وما الها خبرة بالسوق ، بس فادي استغل نقطة قوته الوحيدة ، و هي معرفته بمنطقة الشرق الأوسط اللي ما كان لشركة فيديكس أوايربورن فروع فيها بهداك الوقت ، والدليل على هاد الحكي انو في بعض الاوقات وبسبب الحصار والضغوطات الاسرائيلية كان يستخدم الحمير لنقل البريد والبضائع إلى الضفة الغربية والأراضي الفلسطينية
تابعو باقي القصة على قناتي زبدة القصة .من خلال الرابط التالي :https://youtu.be/Uja5ku0GUI0
التعليقات