من أشهر ماراكات الايس كريم العالمية ، اصحاب العلامة التجارية تميزو بروح الدعابة والفكاهة ونكهات البوظة المميزة اللي بخترعوها
من أشهر ماراكات الايس كريم العالمية ، اصحاب العلامة التجارية تميزو بروح الدعابة والفكاهة ونكهات البوظة المميزة اللي بخترعوها ، عشان هيك الناس حبتهم ، مخترع نكهات البوظة كان مصاب بمرض الأنوزميا ” anosmia ” ، واشتهرو ببناء مقبرة بجنب مصنع الايس كريم تبعهم ، شو هي هاي الماركة وشو قصة المقبرة ، تابعوني على قناتي زبدة القصة من خلال الرابط التالي لتعرفو أكثر
https://www.youtube.com/channel/UCZ-_5Tc6hAq1mMOGp92zkxQ
بسم الله الرحمن الرحيم والصلاة والسلام على سيدنا محمد وعلى آله وصحبه أجمعينبن كوهين وجيري جرينفيلد اصحاب من لما كانو صغار ، انولدو عام 1951 بنيويورك وكان بينهم بس 4 ايام ، كانو التنين بحبو الايس كريم كتير وبمرحلة الثانوية بالمدرسة كان بن يبيع ايس كريم على عرباية صغيرة بعد الدوام ، حاول بن يكمل بالمدرسة بس ما مشي الحال فترك الدراسة وراح يتعلم صناعة الفخار في وحدة من المزارع في منطقة Adirondack آديرونداك ب نيويورك .
جيري تخرج من المدرسة وسجل بكلية أوبرلين لدراسة الطب في اوهايو، وخلال دراسته كان يشتغل ببيع الايس كريم بكافتيريا المدرسة ، تخرج من كلية الطب ورجع لنيويورك واشتغل فني مختبر.
بعديها اجتمع التنين مع بعض ب نيويورك، وقرروا يفتحو مشروع تجاري اله علاقة بالمواد الغذائية بالبداية فكرو الصديقين انو يفتحو مخبز ، لكن بسبب كلفة المعدات اللازمة للمشروع استقرو ع مشروع الآيس كريم. فراحو أخذوا دورة كلفتهم 5 دولارات تعلمو فيها صناعة الآيس كريم ، وبلشو بمحل منطقة بيرلينغتون Burlington بولاية Vermont الامريكية كونها كانت مدينة جامعية ومافيها محل ايس كريم ، وبعام 1978 افتتحو أول محل ل بن اند جيريز بمنطقة بيرلينغتون بمبنى كازية غير مستخدمة .
التعليقات