ليه؟

إزاي نفهم ونستفاد من الحاجات المزعجة الي بتحصلنا؟ ويا تري ايه ممكن تكون الأسباب؟

{عَسَىٰۤ أَن تَكۡرَهُوا۟ شَیۡـࣰٔا وَهُوَ خَیۡرࣱ لَّكُمۡۖ وَعَسَىٰۤ أَن تُحِبُّوا۟ شَیۡـࣰٔا وَهُوَ شَرࣱّ لَّكُمۡۚ وَٱللَّهُ یَعۡلَمُ وَأَنتُمۡ لَا تَعۡلَمُونَ}

ليه بيحصل حاجات صعبة أو حاجات مش حابينها؟

مبدئيا الشيء الوحش دا ليه جانب ثاني حلو ، في قانون الأقطاب كل شيء ليه جانبين الإيجابي والسلبي،

ف ماتفضلش شايف جانب واحد بس وبتعاني

والجوهر لأي شيء دايما دايما خير وبيؤدي لخير.

There must be a" sequence" A bad situation eventually leads to a better one✨

طيب ليه ممكن تكون الحاجة الوحشة (ظاهريا) دي بتحصل؟

تعالو نشوف علي سبيل المثال ٣ أسباب ،

١) الإبتلاء (الإختبار) بيبلي ما في باطن الإنسان، "يبلي" يعني "يظهر" الي جواك

نعرف إيه الي محتاجين نشتغل عليه في نفسنا ، وايه الي أحنا كويسين فيه فنداوم عليه ونحسن منه

٢) ممكن تكون الحاجة الصعبة دي أو الي أحنا مش فاهمين ليه بتحصل دلوقتي تكون سببها إن ربنا بيهيأنا أننا نكتسب مهارات معينة أو معارف معينة فنكون مستعدين لحاجة أحسن بيحضرنا اننا نستقبلها في المستقبل

٣) ممكن يكون السبب إن الموقف دا بيعلمنا درس مفيد محتاجينه لحياتنا

وتطورنا، وممكن يكون بيدفع عننا شر أو أذي

٤) ممكن ساعات كثير بيبقي علشان (لفت الإنتباه) لحاجات إحنا مش واخدين بالنا منها

٥) فيه مقامات ومنازل عند الله ، العبد مش هيقدر يوصلها بعمله ولا بعلمه ولكن بيوصل للمقام والمنزلة دي بالإبتلاء

ف الخلاصة إن المواقف دي بتكون زي مؤشرات علي الطريق بترشدنا وبتعرفنا عن نفسنا وعن الحياة

ف ناخد خطوة إيجابية بعدها

يا اما نشتغل علي نفسنا ، نحسن منها، نطورها ، أو نتعلم منظور جديد للحياة تعيش بيه، أو نعرف حاجة مهمة في رحلة حياتنا تفرق معانا ومع الي حوالينا جدا بعد كدا

،ونصبر.

ف نفس الوقت خلي عندنا تسليم

خلي عندنا يقين فيما عند الله في الغيب أكثر مما بين أيدينا في الدنيا في اللحظة دي

خلي عندنا ثقة في تدبير الله وحكمته ، وفي كمال علمه وقدرته المحيطة بكل شيء

ونحسن الظن بالله ،

دايما خطة ربنا لينا (أجمل مما يخطر علي بالنا)

ربنا دايما بيجهز لنا وبيهيأنا للأفضل وللأحسن💗

وماننساش ان مهما كان المكان الي إحنا فيه حاليا ، نعمل فيه أحسن حاجة عندنا ونصبر لحد ما ربنا يفتح لنا أبوابه ويفهمنا ويرشدنا🌸