كثيرون يفكرون حاليا في الزواج من امرأة من جنسية أخرى، ولكن للزواج من فتاة من بلدك مميزات لا تحصى "مقال ساخر".


1- أكلكم واحد حتى لو اختلفت الطريقة، يعني مش هتلاقي منيو الأكل عجيب أو محتاج ترجمة، ولا هتكتشف ان في توابل قادمة من ما وراء الطبيعة.


2- شتايمكم واحدة.. و ده هيخلي الخناقات بينكم ليها

طعم ومعنى، وفيها تفاعل، مش واحد بيتخانق والتاني مصدوم.


3- عاداتكم في الأعياد والمناسبات واحدة، مش هتلاقيها لابسالك عفريتة في العيد ولا بتفاجئك بأصناف صنعها ملك الجان بنفسه.


4- مش هاتعرف تضحك عليك وتقولك في بلدنا الشبكة لازم تكون ٩٠ كيلو ذهب.


5- مش هيعرف يضحك عليكي ويقولك الراجل في بلدنا لازم يتجوز أربعة وإلا يوصف بعدم الرجولة.


6- عيالكم هيتربوا بنفس اللغة والجنسية، مش هيجيلهم انفصام بسبب عنصرية كل من الأب والأم و رغبتهم في تجنيس اولادهم بجنسية أي منهم.


7- ضحككم واحد وافيهاتكم واحدة، وأفلامكم واحدة، مش هتضطر تشرح الافيه.


8- عائلة الطرفين يقدروا يتواصلوا بسهولة، يحبوا بعض بقى أو يتخانقوا.. المهم مفيش معاناة في التواصل.


9- لما تزهقوا من بعض ممكن تروح لأهلها عادي لحد ما تهدوا.


10- لما تتجوزها هاتكون القوانين في بلدكم واحدة، ولما تطلقها هاتكون القوانين برضو في بلدكم واحدة، مفيش شحططة.


ملحوظة: المقال ساخر وكوميدي ولهذا كتب بالعامية المصرية، والزواج من "بنت بلدك" ليس شرطا أبدا لتحقيق السعادة، واستمرار الحب.


ألهمني ألهمني أضف تعليقك

التعليقات

إقرأ المزيد من تدوينات نشوى سويدان

تدوينات ذات صلة