انا : ليش انا هون و مين هادول الناس ؟ روحي : هذا موضوع كتير كبير وصعب ولكن راح احول ابسط الك اياه …على شكل رحلة للسهولة ..q
في مره جلست الأرواح حول طاوله مستديره عشان كل روح تختار درس بدها تتعلمه …
في روح شجاعه قالت: #أنا رايحه على الأرض لأتعلم أني أغفر وأسامح ..
قالت الارواح التانيه: بس هذا الاشي كتير صعب ويمكن صعب تتعلميه بحياة وحده راح تعاني كتير …
ردت أحد الأرواح : " أنا مستعد اجي معك على الأرض لمساعدتك راح اكون زوجك …وراح يكون في حياتنا كتير مشاكل بسببي وراح تتعلمي تسامحيني …
تنهدت روح تانيه : ممكن اكون أنا ابوك و تعيشي معي طفولة صعبة وبعد ما تعاني راح تتعلمي تسامحني ..
وقالت الروح الثالثة :راح اكون واحد من ولادك وراح تتعبي وانتي تربيني وراح اعلمك …كيف تغفري وتسامحي حالك اذا حسيتي حالك انك مقصره …
قررت النفوس الباقيه انها راح تقابلك في أوقات مختلفه من حياتك عشان تراجعي هذا الدرس …
اختارت كل روح درسها لتتعلمه ،
و عملوا خطة حياة ونزل كل منهم إلى الأرض لتحقيق عقده الروحي ..
تذكري ما في صدفة… كل شخص في حياتك انتي محتاجيته عشان تتعلمي درس انتي اخترتيه في هاي الحياة ..
👈🏼لما نفهم الخطة الكبرى للحياة يمكننا أن نُرخب بمزيد من الاشخاص والتجارب الي قد تبدو مزعجه وبتخلينا نعاني ،
لما نفهم الخطه الكبرى راح نفهم هادول الي خلونا نعاني همه من الارواح المهمه الي جاي لتساعدنا عشان نعيش هاي الحياة بإحسان …
فكل شخص وكل حدث اله غرض …عشان هيك ما تحكم ل على الاشخاص ولا على الاحداث …
فعقلك لا يعلم..
(وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ)
المغزى : احيانا أكثر شخص بنعاني بسببه ربما هو أكثر روح بتحبنا في الدار الأخرى واعظم معلم لنا ..
والله اعلم 🤷🏻♀️
التعليقات