كل فعل هتقوم به هيترد لك شبهه يوم من الأيام . يا من نفس الشخص او من شخص اخر
انت بتزرع ايه؟؟
قانون نيوتن الثالث بيقولك كل فعل ولي رد فعل
كل فعل هتقوم به هيترد لك شبهه يوم من الأيام
يا من نفس الشخص او من شخص اخر
لما تكره حد من غير سبب هيجي اللي يكرهك من غير سبب
لو دائما متربص للناس اللي حوليك ومن جواك تتمني أنهم يفشلوا ويفضلوا مكنهم
ربنا هيرزقك بالناس اللي تكره نجاحك وتحقد على حياتك الحلو فيها والوحش
الغباء بقي أنك شايف كل ده وعارف كويس انت بتعمل ايه وعالم بنيتك مع اللي حوليك
لكنك بتستغبي عن قصد
بتتجاهل تصرفاتك
عمال تستغرب وتتسأل هي ليه الناس وحشه؟
ليه الدنيا غريبة وقبيحة للدرجة دية؟
"في كل مرة تقوم فيها بإساءة معاملة شخص ما ، فإنك تكشف عن جزء لديك يفتقر إلى الحب ويحتاج إلى الشفاء" - كيمي سوجونلي
مش مقياس ان كل شخص اذاك يبقي انت أكيد اذيته قبل كده
لكننا بشر بنسلم لبعض حاجات كثير اوي
أفكار ومشاعر ومعتقدات ومبادئ
ولو اللي بنزرعه في اللي حولينا سموم
هيعود لنا أشد سمومه
السؤال هنا احنا بنزرع ايه لبعض
هل بنزرع موده وحب وخير ؟
هل بنزرع كراهية وغل وحقد وغيرة؟
هل بنزرع أفكار سامة واشاعات وجهل؟
احنا مسؤولين عن ده بشكل كبير
قبل ما تتكلم مع اي حد ركز انت بتقوله ايه
قبل ما تتعامل مع اي شخص ركز انت بتتعامل معه ازاي
لأنك لو ضرته مش شرط يضرك انت
لكنه ممكن يضر غيرك
وغيرك "ده" هيبقي مسؤوليتك أنت.
التعليقات