super 30

باقل الامكانيات والموارد تسطيع ان تصنع المستحيل الفقر والظروف لم تكن سوي عوائق تستطع بحدودك وبصيرتك الغير محددوه تخطيها

Super 30

فيلم جميل جدااا واللي عجبني أكتر لما اكتشفت في نهايته أن مأخوذ عن قصة حقيقيه لمدرس رياضيات دماغه حلوه لكن بسبب فقره معرفش يكمل دراساته وأحلامه في جامعات مرموقه زي جامعه كامبريدج اللي كان بيتمني يدرس فيها ولما والده توفي تحمل مسئولية أسرته والانفاق عليهم وكانت والدته بتعمل الحلوي في البيت وهو يوزعها بالعجله علي المحلات وده كان مصدر عيشهم الوحيد...!فقرر ينشأ مركز خاص بيه يعلم فيه الطلاب الفقراء بالمجان بشرط إنه يعمل اختبار للمتقدمين وياخد منهم اذكي ٣٠ طالب يتكفل بتعليمهم ، وتربيتهم ، وإرشادهم وكمان اطعامهم رغم انه فقير وعايل نفسه بالعافيه لكنه تقبل المنافسه بيهم سواء في الفقر او في الجوع او في العلم وكان ال٣٠ طالب منهم اللي ابوه بيخدم في البيوت وبينام تحت درج السلم ومنهم اللي بيعمل في الصرف الصحي ومنهم اللي عامل نظافه لكنهم أذكياء ويستحقوا إنهم ياخدوا فرصهم في العالم ، كان كل شغله عليهم أن يجهزهم للقبول في المعهد العالي للتكنولجيا ده وأنه يساعدهم في الحفاظ على ثقتهم بنفسهم وتحدي العالم البشع اللي دايما بيرمق هؤلاء وغيرهم بنظرات شفقه وتكبر واستعلاء رغم ان ممكن دول يكونوا اذكي من كتير بيدخلوا مدارس وجامعات خاصه وبيتصرف عليهم ملايين وبيطلعوا معاهم شهادتهم وبس لا بيضيفوا لنفسهم ولا للعالم غير إنهم برضه بيلاقوا وظائفهم الجاهزه وبيكون سبب في فشل سياسات الدوله كون ان الأساس تكوينه مخل....!وفي مره أرسل ال٣٠ طالب لاختبارات المبدئيه محازاة بالطلاب ولاد الاغنيه اللي مصروف عليهم بالملايين واللي معظمهم دارسين في مدراس خاصه ، ال٣٠ طالب تأثروا بنظره الطلاب النضاف أصحاب الملابس الغاليه والشعر الحرير والادهي اللغه الانجليزيه المحترفه حسوا قبل ما يبدوء في الامتحان إنهم هيفشلوا قصادهم وبالفعل تركيزهم مع اللي بيملكوا الآخرين موازاه باللي هما اصلا مش بيملكوه أثر علي معلوماتهم وثقاتهم بنفسهم ومقدروش يتعاملوا معاهم ولما اتريقوا عليهم معرفوش يتعاملوا مع الموقف لان كلامهم كله كان بالانجليزي فرجعوا للمدرس خائبين وقالولوا ان اللغه بتاعتهم وشكلهم ومستواهم عمره ما هيوصلهم المدرس بص لنظرة الطلاب وامرهم يعملوا مسرحيه يتكلموا فيها انجليزي لمده تلت ساعه بدون توقف ولو حد قال كلمه هنديه يروح علي قريته ويرجع لابوه كان مطلوب منه انه يعصرهم ويطلع احسن ما فيهم مقابل عصرته معاهم ومعانته في اطعامهم سواء علم او طعام وبالفعل رغم تخوف الطلاب من المدرس عملوا جاهدين علي تخطي الخوف اللي جواهم وحاولوا تكون المسرحيه كلها انجليزي ورغم تعصرهم وفشلهم الا انهم استمروا في اقناع الجمهور والمدرس إنهم قادرين...!وبعد تدريب ٨ شهور وفي اختبارات المعهد النهائيه اجتاز التلاتين طالب اختبارات القبول ودخلوا المعهد بمجهود ذاتي من مدرس تلقي الكثير من عبارات اليأس حول فشل فكرته ومشروعه ده الا انه كمل علي نفس قوته وعزيمته ومضعفش رغم واقعيا واجهته العديد من التعثرات فلو نجح فأنه يسد ثغور العلم فهو بيعجز عن سد ثغور الجوع ورغم اللي شافه دي كمان تخطاها.... ونجح مشروعه وتلقي مشاداه كبيره من العالم برمته والصحف وأطلق عليه super 30 وبعد مكان نفسه يدرس في يوم من الأيام في كامبريدج اليوم يتلاقى العديد من العروض من الجامعات الامريكيه والعالميه لتدريس بها وجاتله عروض كتيره في أماكن مرموقه عالمياًاللي حابه اوضحه من مقالي ده ...! ان بأقل الموارد والامكانيات تقدر بعزيمتك واصرارك تصنع المستحيل الفقر مش سد منيع ولا مبرر هو عائق تقدر تتغلب عليه وتخترق بحدودك وبصيرتك الغير محدوده حواجزه القويه بس الأهم تكون عارف انت عايز ايه.... العالم يفسح الطريق لمن يعرف ماذا يريد ...!ان تركيزك مع غيرك بيشتت تفكيرك وبيبعدك عن أهدافك الرئيسيه مهما ان كنت الاقل بين اللي حواليك في المستوى المادي والمظهري التفت لأعظم ما لديك وهو عقلك علشان تقدر تشوف نفسك فيه بعدين....ركز على أولوياتك وأهدافك اللي انت متواجد علشانها لان تركيزك مع حاجات كتيره فرعيه في حياتك مرهقه بتبعدك عن مركز الاهتمام بتاعك اللي هيوديك للي انت عايزه خطط بدقه وتمعن ايه اللي يستحق تزعل علشانه وايه اللي مينفعش تخسر من وقتك علشانه الحياه وقت واللي عايز يبقي حاجه فيها لازمه يرتب أولوياته واهتماماته بكيفيه توصله لمراده مش تبعده كل البعد عنه يعني بالعربي اعمل استوب للي يعطلك..! التدريس مش بتاع اي حد... وان الدكتور الجامعي او المدرس عامتاً لازم تكون عنده القدره على التوجيه والإرشاد والاستنباط لاستخراج افضل ما عند الممثل امامه كطالب علم يتعلم ازاي يستغل قدراته ويعزز منها ازاي يدفعها ناحيه البناء والتطوير الذاتي المعتمد بشكل كبير علي التوجيه الصحيح ....اومال هو بيقولك ليه دايما لو فسد الراعي لفسدت الراعيه المقوله مضمونها مفتوح لا مقتصر علي رب بيت ولا مقتصر علي حاكم دوله لو كل قائد التزم بيها هنعرف نواكب الأمم في تقدمها علي راس كل راعي توجد راعيه.... الراعي مستقل والراعيه تابعه إذا المستقل احسن القياده تبعته الراعيه في ذالك والعكس... وقيس علي كده بقي كافه مناصب الدوله بدايةً من التعليم الابتدائي وتكوين الأسره قياده وتوجيها لحد بقي منوصل لرئيس الدوله