أم طالع عين اللي خلفوها في الأكل والشرب وسيرة الملل

تخرجت اشتغلت حلمت اتجوز ويا ريتني ما تجوزت وقعدني في البيت، أصله بيغير، بدأت سلسلة الممنوعات ، اتحبست في قمقم حوالي 5 سنين واهلي ميعرفوش عني حاجة، كل اتصال تلفوني انا كويسة الحمد لله زي الفل، الموضوع نجكي فيه بعدين...الورطة اني أم ومحدش قالي ولا علمني ازاي اكون ام فكرة الزواج في القصص بتنتهي عند حفلة الزواج بعد قصة حب ملتهبة وبتنزل الستارة ولا نرى أبعد من ذلك.

أنا مش عاوزة اطبخ ولا ارتب ولا اغسل، انا مش عاوزة اذاكر لحد ولا اكون مسؤولة عن حد، أرجع أقول في نفس اللحظة ربنا يحفظهم بس أنا عاوزة أنسأل عن نفسي بس، نوبة القلق والتوتر بتجيني لما اكون عاوزة اشتغل وانجز بس معرفش والزن على وداني من بكا وخناقات وواجبات وإلخ إلخ.

أنا عاوزة أنا ..

محدش قال الجواز كده من الاول وفهمنا

أنا متورطة في عيلة وهم برضو متورطين في كأم.

كنت اكتفيت من هذا القدر من الكلام بس لقيت المدونة بتقولي لسة عدد الكلمات غير كافية هي ناقصة كفاية حجم الصورة اللي طلع عيني حتبقى المدونة والبيت .



ألهمني ألهمني أضف تعليقك

التعليقات

تدوينات من تصنيف عائلة

تدوينات ذات صلة