هاذي تجربتي مع ال Hiking اتمنى تجربونها وتعيشون اللي جالس اكتبه
من انا؟
انا عبدالله بن مساعد المحياء حاب اعرفكم من انا وايش اقدم وايش هواياتي واشارككم اول تدوينة لي.
من انا؟
سؤال لازم تسأله نفسك قبل كل شي هل انت مجرد قارئ أم كاتب هل انت مجرد متفرج او صانع محتوى.
من انا؟
انا كنت مجرد شخص رايح جاي على الدوام وعايش حياتي قارئ ومتفرج لناجحين في سنة 2017 سمعت عن شي اسمه Hiking (رياضة المشي الجبلي ) ومن شخص مايمارس اي رياضه في حياته قررت اخوض التجربة طرحت الفكرة على زملائي لكن للاسف محد تحمس الا شخص واحد سجلنا في رحلة مع شركة سياحية ورحنا و في اليوم المنتظر التجربة كانت مذهلة عكس التوقعات بالحرف الواحد اللي توقعته كان شي واللي شفته وعشته شي ثاني من مناظر واجواء استمريت تقريبا كل اسبوع اطلع وكل اسبوع اتعرف على ناس اكثر ومع الوقت تعرفت على مجموعة اشخاص هناك صارو بمثابة اخواني وصرنا كل اسبوع نتقابل بهدف واحد وهي هاذي الرياضة في اقل من سنة قررنا ننشر هاذي الرياضة في السعودية وبالرياض بالتحديد ونكتسح السوق بدينا بالموضوع سنه 2018 واجهنا في بدايتنا كثير من المشاكل لكن بفضل الله تخطيناها لاننا ماكنا نشوف الا قدام وهدفنا واحد والمهم عندنا نوصلة والحمدلله وصلنا له ومازلنا نبي اكثر .
من انا؟
انا الان شخص عايش بن الجبال وفي الاودية وعاشق للمغامرات واحب المرتفعات
من انا؟
انا كنت اكرهـ واخاف المرتفات ولكن بفضل الله ثم فضل ال Hiking (رياضة المشي الجبلي ) قدرت اني اكسر هذا الخوف وصرت انسان عاشق للمرتفعات وبالتحديد اعشق الهاويات والوقف على طرفها
من انا؟
انا اللي كل فترة راح ادون لكم عن التجارب اللي عشتها او اللي بعيشها
التعليقات
يعلم الله كم أحبك و احترمك. من اول يوم انضميت للرحلات كضيف علمت انك ستكون سريعا واحد من الفريق و بفضل الله اصبحت ركن اساسي و عامود من اعمدة هايكمنيا