قد يكون فرد واحد من أهم الأفراد جوه منظومه ما نظراً لتفرده..
من دونستبل، إنجلترا، المملكة المتحدة ... هانروح Costa Coffee كوستا كوفي
نتعرف على كوستا أكتر ..
شركة كوستا كوفي إتأسست سنة 1971.. و اللي أسسها الأخوين الإيطاليين سيرجيو كوستا و بروتو كوستا.. ترتيبهم الحالي ك شركة هو التاني علي مستوى العالم بعد ستاربكس كافي..
عندهم 1700 محل في 28 دولة حول العالم .. كوستا كوفي بتبيع تقريباً 108 مليون كوبايه قهوة في السنة !!
ليهم كمان مناطق خدمات خاصة بالشركة موجوده في ” المملكة المتحدة، جنوب آسيا، الصين، الشرق الأوسط، وسط وشرق أوروبا ”
ومن خلالها الشركة بتقدم منتجات مختلفة بجانب منتجها الرئيسي ” قهوة كوستا ” زي المشروبات الساخنة، الوجبات الخفيفة ، المشروبات الغازية
وتصل أرباح الشركة إلى حوالي £340.9 مليون جنيه استرلينى!
بس احنا دلوقتي هانتكلم عن الشخص صاحب الفضل في زيادة أرباح كوستا زي ما ذكروا.. و هو
جينارو بيليتشيا الموجود في الصورة هو الذواق الرسمي لقهوة كوستا من أكتر من 20 سنة وأهم فرد في كوستا..
جينارو بيدوق أو بيتذوق عينة من كل شحنه قهوه خام بتوصل لمصنعهم قبل عملية التحميص ويقرر بنفسه و يحدد جودة القهوة
ويحكم على القهوة دي إذا كانت نوعها جيد أو سيئ
وهاينفع تتباع في كوستا أو لأ ...
المتحدث الرسمي بإسم الشركة لويدز بروكر قال ان جينارو بيلتشيا عنده مهارة حسية فريدة جداً من نوعها و إنه أهم عنصر أو فرد في كوستا كوفي نظراً لدوره المهم جداً والمتميز والمتفرد..
عشان كده قرروا يحافظوا علي الكنز ده بإنهم " يأمنوا علي لسانه ! بقيمة 10 مليون جنيه إسترليني !"
جينارو استغل حاسه فريده ومميزه عنده وأصبح بيها فرد مهم جوه مكان ترتيبه التاني على العالم..
إستغل إمكانياتك مهما كانت تبدو بسيطة..
دور جواك علي الميزة اللي فيك وطورها.
اكتشف نفسك.
التعليقات