من أول ما بدأ الحجر الصحي وصناع المحتوى والمبدعين كل يوم بفاجئونا بافكار وتحديات مفيدة وممتعة اهتمام بالصحة
'في كتير افكار ونشاطات بنفكر فيها او بنشوفها وبنتحمس نعملها ونطبقها
مثل وصفات وخلطات ماسكات
او نشاطات لاطفالي من البيت
غير الكتب والافلام اللي يتنصحونا فيها
وصفات حلويات وطبيخ
ما في ولا فكرة فيهم شفتها وما عجبتني وكنت اعمللها حفظ وانسى ارجعلها
بس استغليت فكرة الkanban board وال agile process من طبيعة عملي وطبقتها ببيت... ما رح ادخل بشرح عنهم لانه مش موضوعنا
بس كيف استغليتهم وطبقتهم بالبيت ؟
بفكرة ممتعة ومسلية الي ولاطفالي وبنستغل الأفكار والاهداف اللي بدنا نعملها كالتالي
كل اللي بنحتاجه هو sticky note وممكن نلزقهم على لوح بس انا حبيت الزقهم عالشباك لانه أوسع وفكرة جديدة وممتع اكتر
بنقسم اللوح او الشباك لقسمين .. القائمة الرئيسية وقائمة اليوم
كل الأفكار اللي بدنا نعملها بنقسمها لمجموعات
مجموعة الألعاب والنشاطات بالزهري
مجموعة الواجبات والمهام البيتية بالازرق
مجموعة الواجبات الدراسية والعمل وتطوير الذات بالاصفر بما اني بشتغل من البيت
مجموعة صحة وعناية بالبشرة بالبرتقالي لانه كتير عم بشوف وصفات وخلطات ممتازة
مجموعة مقترحات أفلام عائلية بالاخضر
And so on…..
كل الأفكار اللي عم بشوفها عم بكتبها باللون الملائم الها وبحطها بقائمة الToDo
اي اشي عم بظيفو للقائمة رح اشارككم اياه بشكل يومي عالستوري على حسابي الانستجرام
وبقائمة العمل اليومي كل يوم كل واحد بطلعله يطلع ورقة من كل لون على القائمة الخاصة باليوم وبنرجع الورق تبع مبارح عالقائمة الرئيسية
بس..في شغلات يومية متل العمل من البيت والدراسة وشرب من 2-3 لتر الماء تنظيف غرفتنا بنتقلو معنا كل يوم وهمة حالات شاذة وثابتة
هاي الطريقة مش بس للحظر بدنا نعتمدها .. لكل الأيام لحتى نقدر ننتج ونحس حالنا عم نتطور ....
التعليقات