التربية الإيجابيه وتأثيرها علي الأستقرار النفسي للطفل
يقول : دانتون " بعد لقمة العيش أول حاجة للشعوب هي التربية "
وعندنا فِ علم النفس بنعرف مرحله ماقبل الابتدائيه بأنها مرحله عمريه تتراوح مابين سن الثالثه والسادسه ، وتتميز بأنها مرحله حساسه لأنها تؤثر تأثيرا مباشرا علي نمو الطفل العقلي والأجتماعي والنفسي والجسدي فَ فيها يكتسب الطفل الصفات والعادات التي ستستمر معه في حياته
🔹فَ دوري انا ك أب ودوري أنا ك أم ايه اللي ممكن نعمله !
أولا التشجيع والحافز إني دايما أشجع أبني وأحفزه عشان يستمر ويكمل منبذوش دايما عشان دا بيعمل جواه نوع من انواع الطاقه السلبيه وواحده واحده من غير م نحس الطفل هيبدأ يفقد شغفه تجاه الحاجه اللي بيحبها لما يحس انه دايما منبوذ سواء تجاه الشئ دا بالأخص أو عموما تجاه كل شئ فَ دايما لازم نجدد شغفه بالتحفيز
🔹تاني حاجا وأهم حاجا مقساش علي طفلي فَ شتان الفرق بين القسوه والحزم فيما معناه أن القسوه هي نقض الفاعل وليس الفعل يعني مثلا أقوله كلمه تزعله أبدأ أعنفه سواء بالكلام او بالضرب بينما الحزم هو نقض الفعل وليس الفاعل ، علي سبيل المثال أنا لسه جايب لطفلي لعبه جديده ومبسوط وفرحان بيها فَ في لحظه غضب منه وقعها ع الأرض أتكسرت موقفي معاه هيكون أي وقتها هستخدم معاه الحزم اني انقض الفعل ذاته بانه وقعها ع الارض وكسرها وان دا شئ غلط ومينفعش يتكرر تاني ، معنفوش وأضربه وانت ازاي عملت كدا ولي وهو أصلا مَيُدركش الادراك الكامل بكل الكلام اللي بيسمعه !
🔹تالت حاجا التوافق بين الزوجين فيما معناه أنا ابني محتاج شئ معين ف راح لوالدته وطلبه منها بكل أحترام وأدب ف الأم ادتهاله ، تمام حلو لحد كدا مفيش اي مشكله ، المشكله بقا هنا فين إن يكون الأب مش موافق ساعتها أنا هبقا كسرت كلام الأب من غير م احس ف بالتالي أي شئ طرف يرفضه الطفل هيروح ياخد الشئ دا من الطرف التاني ف هيعمل تشتت فِ نفس الطفل مش عارف اي الصح واي الغلط فَ عشان كدا لازم نقسم الأختصاصات فيما معناه الأب مثلا مسئول عن الأمور الماديه والأم مسئوله عن الملابس والأكل ف بالتالي الطفل هيبقا محتاج فلوس ف هيتجه تلقائياً لوالده لأنه خلاص عرف أن دا مع والده ونفس الشئ مع الأم وفِ حاله الأختلاف هيكون الحل هنا بين الزوجين مش قدام الطفل عشان دايما يكون عنده توازن نفسي وثقته فِ نفسه متتهزش
🔹من أهم الطرق اللي ممكن أي أم وأب يتبعوها هو نظام خلق المُكافأت فيما معناه مثلا لو كان طفلك بيعاني من سلوك معين غير صحيح ممكن تعمله مُخطط معين يستمر عليه لمتابعه سلوكه علي سبيل المثال أنا دلوقت معايا ورقه وقلم رسمت فيهم خمس نجوم دا بيبقا بمثابه حافز انه كل مره هينصرف عن السلوك الخاطئ دا بيتلون نجمه من الخمسه ومع الأنتهاء بيكون ليه هديه معينه من شئ بيحبه وأيضا يمكن أتباع نفس المُخطط مع السلوك الجيد للأستمرار عليه
🔹تاني حاجه هي تقدير السلوك الجيد بأني لما الاقي طفلي بيعمل سلوك حَسن ف انا دوري هنا إني هثني عليه وأشكره ، الشُكر دا هيعمل جواه حافز بأنه يستمر في نفس الشئ
🔹تعزيز ثقته بنفسه وعدم تفضيل أخوته عليه يعني مثلا انا عندي طفلين لازم اعدل بينهم مفرقش بينهم ماأهتمش بطفل وأسيب التاني عشان من غير م احس هولد طاقه سلبيه ف نفس الطفلين والطاقه دي لو متعلجتش صح هتولد كره بينهم وهنبقا دخلنا في مشكله اكبر بمراحل !
🔹يقول ارسطو : " جذور التربية مرة و لكن ثمارها حلوة " ، فيما معناه أنا طفلي ورقه بيضه أنا اللي بلونها بايدي أنا اللي برسم فيها اللي أنا عايزاه وبأيدي الأختيار ، منكونش زي جان جاك رسو وهو بيقول : "قبل أن أتزوج كان لدي ستة نظريات في تربية الأطفال ، أما الآن فعندي ستة أطفال وليس عندي نظريات لهم "🌚💙
التعليقات