هي لتزويد الناس بمعلومة قد بسطها الله لنا لنرى كم أن معظم البشر غير مدركون لكم النعم التي من الله بها علينا
كُلّنا حافظين جزء عمّ مش كده ؟؟
فلو جينا مثلاً علي سورة زي سورة العاديات:
بسم الله الرحمن الرحيم
"وَالْعَادِيَاتِ ضَبْحًا ( 1 ) فَالْمُورِيَاتِ قَدْحًا ( 2 ) فَالْمُغِيرَاتِ صُبْحًا ( 3 ) فَأَثَرْنَ بِهِ نَقْعًا ( 4 ) فَوَسَطْنَ بِهِ جَمْعًا ( 5 ) إِنَّ الإِنْسَانَ لِرَبِّهِ لَكَنُودٌ ( 6 ) وَإِنَّهُ عَلَى ذَلِكَ لَشَهِيدٌ ( 7 ) وَإِنَّهُ لِحُبِّ الْخَيْرِ لَشَدِيدٌ ( 8 ) أَفَلا يَعْلَمُ إِذَا بُعْثِرَ مَا فِي الْقُبُورِ ( 9 ) وَحُصِّلَ مَا فِي الصُّدُورِ ( 10 ) إِنَّ رَبَّهُمْ بِهِمْ يَوْمَئِذٍ لَخَبِيرٌ ( 11 )"
- تعرف يعني ايه العاديات ؟؟
-طب تعرف يعني ايه ضبحا ؟؟
- تعرف يعني ايه الموريات قدحا ؟؟
-طب تعرف ايه هيا المُغيرات ؟؟
- تعرف يعني إيه نقعا ؟؟
- تعرف يعني ايه كنود ؟؟
مفيش مشكله إّنك متبقاش عارف ...
تعالي نعرف سوا ...
- العاديات: 🐴 الخيل اللى بيركبها الفرسان في الحروب.
- ضبحا: الضبح يعني صوت أنفاس الخيل.
فالموريات قدحا: الخيل لما تضرب بحوافرها الارض والحجارة.
فالمغيرات صبحا: الخيل اللى بتُغير علي العدو خاصة وقت الصبح.
نقعا: يعني الغبار الذي تسببه الخيل في المعركة.
الكنود: الجاحد لنعم ربنا عليه.
- طب أيه الحكمه إن ربنا يُقسم بالخيل وبوقت إنقضاضُها علي العدو ... وبأنفاسها ... وبالغبار الناتج عن قوّتها اللى بتتسبّب فيه في أرض المعركة؟!!
إنها بتعمل كل دا إرضاءاً لسيّدها (الفارس اللي راكبها)، وهيا في الأصل مش عارفه حاجه، إلاّ إنها بتعمل اللي هو عاوزه، لانه بس بيطعمها وبيرعاها وبيهتم بيها، كنوع من ردّ الجميل !!!
"سبحان الله"
علشان كدا ربنا ذكر بعدها جحود ونكران وخسّة الإنسان مع ربّه ((ان الانسان لربه لكنود))
رغم أنّ الله أنعم علينا بنعم كثيرة لا تُعدّ الاّ إننا مش مُعترفين بيها، ولا راضيين بحالنا، ودايما ساخطين علي أقدار الله، ومع أول إبتلاء بنطعن في حكمة وعدل ربنا "إلا من رحم ربي"
وده الفرق بين الإنسان والخيل في تعامل كل واحد منهم مع سيّده.
سورة قصيره جداً، بس فيها معاني تُحرك القلوب.
ملحوظه:
علي فكرة انت مكنتش تعرف اللي قريته ده قبل كده ... وانا كمان مكنتش اعرف ... عرفت ونشرت وأنت دلوقتي بتقراه .
"بلغوا عني ولو آية"
التعليقات
لا اله الا الله جزاك الله خيرا
اللهم اني استغفرك و اتوب إليك