الشخصيه الانطوائيه

الشخض الانطوائي هو واحد من الشخصيات المميزه وزي ما ليها عيوب ليها مميزات اقراء باقي المقال وهتعرف اكتر

لو ما بتحبش الأفراح وبتعتبرها عقاب ...و لو القعدة الهادية في البلكونة مع كوباية الشاي المظبوط وانت متعمق في اللاشئ أحسن من أجدعها خروجة والقعدة علي القهوة مثلا أيوة اللى فهمته صحهنتكلم عن الشخصية الإنطوائية......أكتر ناس مظلومة معانا في الكوكب ده والله. انهم مش اجتماعيين بقي ....خجولين ....مغرورين وشايفين نفسهم هنعمل رحلة جوا الشخصية دى ونفهم طبيعتها ....وهنحبها أووي والله في الأول أصلت مصطلح انبساطي وإنطوائي أول واحد استعملهم لوصف أنواع شخصيات هو عالم النفس Carl Jung في الستينات وده جزء من نظريته the big 5 theory of personality ودى نظرية بتفهمنا أنواع الشخصيات ...... يعني إيه شخصية إنطوائية؟؟؟ ده نوع من الشخصيات اللى بيركز أصحابها على أفكارهم ومشاعرهم الداخلية والنوع ده من الناس بيحسوا براحة وسعادة طول ماهما بعيد عن الناس ولوحدهم وبيتعبوا جدا من التفاعل مع الناس لدرجة أنهم حرفيا بيفصلوا وبيحتاجوا شحن بعد ما يتعاموا مع الناس لأن التعامل مع بيستنزفهم ويخلص طاقتهم والانطوائين حوالي ٢٥-٤٠% من الناس .....يعنى مش قليلين ولا حاجةوهنا خلينا نفرق بين الخجل والإنطوائية الشخص الخجول ده شخص بيخاف من التعامل مع الناس وبيخاف يتعرض لأى موقف بيخليه يتواجه مع الناس لكن الإنطوائيين نقدر نقول هما بيحسوا أنهم أحسن طول ما هما لوحدهم وبعيد من الناس وحتي أنه فيه كتير من الناس اللي بنشوفهم اجتماعيين أو انساطيين هنتفاجئ لما نعرف انهم انطوائيين لأن مش كل الإنطوائيين بينسحبوا خالص من المناسبات والتجمعات زي ما احنا متوقعين وخلينا متفقين ان كل الناس فيها الاتنين يعنى اى حد هو تركيبة من الانبساطية والانطوائية وبيظهر نوع معين لما يكون الفرق بين الأتنين كبير يعنى إيه الكلام ده ؟؟؟ ببساطة يعنى فى حد عنده انطوائية بنسبة ٥٠ وانبساطية بنسبة ٥٠ فده هيكون شخص عادى لا انطوائي قوي....ولا أنبساطى قوى وفي حد انبساطي بنسبة ٨٠ % وانطوائي بنسبة ٢٠ % فده اللى هيظهر عليه أكتر الانبساطية .. يعني وهكذاطيب ايه بيخلي حد انطوائي أكتر وحد تاني لا هنرجع لمجموعة من الخلايا العصبية موجودة في جذع الدماغ اسمها reticular activating system وده نظام بيخلي جسمنا يتفاعل مع الموثرات اللي جاية من حوالينا .... وبيحدد كمية المؤثرات اللى بستقبلها أجسامنا كمان وكمان الطريقة اللى هيتتفاعل بيها أجسامنا وهنا نفرض مثلا أن عندنا نفس المؤثر ....مثلا صورة لواحد علي البحر في ناس بتستجيب بطريقة بسيطة وبتاخد كمية معلومات بسيطة.....يعنى هيبصلها انها مجرد واحد واقف علي البحر وفي ناس تاني بتستجيب بشكل تاني هيبص لنفس الصورة ويجيب منها تفاصيل ومعلومات اكبر ... يعني مش مجرد واحد واقف علي البحر... يعني هيبقي مثلا في واحد طويل ولا قصير ومبسوط ولا لا مثلا ولابس كذا وكذا واقف علي البحر وعلي حسب نظرية عالم النفس Hans Eysenck أن الناس اللى بتتفاعل بشكل أكبر مع المؤثرات دول هما الانطوائيين يعني الناس الإنطوائيين بيتعاملوا مع كمية معلومات أكبر بكتير من المعلومات اللى بيتعامل معاها الانساطيين وعشان كده هما بيبعدوا من أي حاجة بتعملload عليهم وتخليهم مجهدين ومشتتين يعني عشان كده بيهربوا من الزحمة والناس هما في الأصل مش بيهربوا من الناس هما بيهربوا من التفاصيل الكتيرة اوووي اللى بتيجي مع الناس وعشان كده هما بيفضلو العزلة وحواليهم دايرة في ناس قليلين وكمان هما دايما مستغرقين في أفكارهم وأحلام اليفظة وفضوليين ...مش بالشكل الوحش وبيفكروا ويخططوا كتير قبل أي خطوة في حياتهم وعلى عكس الناس اللي بتميل للتجارب والخبرات ...بيفضلوا أنهم يراقبوا وبتعلموا من تجارب الآخرين اكتر وطبعا بيفضلوا انهم يشتغلو لوحدهم...وبيطلعوا نتايج كويسة جدا .بس ده مش معناه انهم مابيعرفوش يشيتغلو في فريق وأهم ميزة بقي في الناس الإنطوائيين أنهم عندهم مستوي عالي جدا من self awarness أو الوعي الذاتي يعني عارفين نفسهم كويس ونقاط قوتهم ومهاراتهم وقدراتهم كويس زي ما عارفين نقاط الضعف بتاعتهمودي أكتر صفة بتميز الناجحين والمبدعين اللى حوالينا ومش هنتفاجئ لما نعرف إن كتير من المشاهير في الأصل انطوائيي( البرت اينشتين بيل جيتس ريادى الاعمال الشهير إيلون ماسك والممثلة إيماواتسون) وكتير غيرهم وطبعا في عيوب للشخصية الأنطوائية أو مش عيوبيعني خلينا نقول أن في حاجات هتبقي أصعب لو انت انطوائي زي مثلا أنك أكتر عرضة للإكتئاب وده بسبب التفكيرالكتير والتركيز في التفاصيل غالبا هتتفهم غلط في مواقف كتير بسبب قلة تفاعلك مع الناس وغالبا وأول انطباع هيتاخد عنك أنك شايف نفسك حبتين ومغرور وده طبعا مش حقيقى الحاجة الوحيدة الصح أنه مش معني أنك انطوائي ان ده وحش أو انت كويس لو مش انطوائي احنا ربنا خلقنا مختلفين عشان نكمل بعض وعشان نعرف نعيش مع بعض واعتقد بعد ما فهمنا اكتر عن الشخصية الانطوائية ولو عرفت أنك إنطوائي فالمفروض تعرف أزاي تستغل الحاجات الحلوة اللى ربنا حطها فيك