....................................................
النسيان
انا ضد فكرة ان لازم تنسى يقولون (العفو عند المقدرة) قال عند المقدرة
فلا تشوف نفسك إذا ما سامحة فلان يعني انت شخص سيئ او قلبك اسود لا اطلاقا لم تستطع المسامحة وهذا الشيء طبيعي ووارد دع الحزن والخذلان يعيشون فيك لفترة من حقك تأخذ وقتك في كل شيء سوا حزن او فرح عيشهم لا تحاول تكتم داخلك لان هذا الشيء سيتحول مع مرور الوقت لمرض نفسي ثم جسدي لان كل شيء ينعكس على جسدك
وبعدها نجي لكيف ننسى ؟؟؟
اول شيء عشان تنسى لازم تتقبل ان فلان غلط علي وقال فيني كلام لازم تتقبل
وبعدها طيب انا خذيت وقتي في الحزن وتقبلت الموضوع فلازم الان اتحرر من هذا الزعل لكي ترجع نفسك حرة لا يوجد ما يثقل عليها
وبعدها لازم اسامح عشان نفسي لازم ما يكون فيني شيء سيء عالق على شخص عشان إذا جيت تنام، تنام وانت خفيف لان الزعل يكون شيء ثقيل على الجسد كأنك حامل نفسك ونفس ثانية معك
وأخيرا اذا جيت تسامح لا تنسى انت ليش سامحة وهل السماح هذا حقيقي ولا شكليا لان لو كان شكليا فهذه مصيبة بتكون تكذب على نفسك وشوف عاد اذا الشخص كذب على نفسه وين يوديه هذا الشي!!!
سامح وانت مقتنع وراضي وناوي تعطي الطرف الاخر فرصة عشان يغير من نفسه وان كلنا نغلط وما حد معصوم من الغلط
دمتم بود.
التعليقات