كلامك لنفسك وصوتك الداخلي بيفرق كتير في استقبالك للناس حوليك وترجمتك لكلامهم وتصرفاتهم و حتي صورتك ادام نفسك
لو لابس نظارة عليها عتامه مش هتشوف الدنيا كويس ولا هتشوف نفسك صح وهتلاقي كل حاجه مشوشه، طيب لو الموضوع استمر معاك في كل وقتك وخلال تعاملاتك اليومية... يبقي فيه حاجه غلط وطاقتك مستنزفة في شواغل لازم تتفلتر وتتراجع علشان العتامه اللي علي النظارة تختفي، لكن لو فلترت الشوائب اللي في حياتك ولقيت نفسك زي منت اوالموضوع زاد وفقدت الاهتمام بالنشاطات الحياتية تبقي دي من علامات الإكتئاب
🔘 ممكن نتجاوز الحزن والألم لكن استمرار المزاج السيء وعدم ارتباطه بمؤثر (مش لاقي نفسك في اي حاجه) معناها انك افضل تتحرك وتستشير طبيب لانه كل ما كان وقت الاستشارة مبكر بتبقي فرصة التحسن أسرع
🔘 تراخيك عن الاستشارة هيحبسك في زنزانة ظلمه ومش هتبقي عايز تخرج منها واي بصيص نور بعد كده هيعملك إزعاج وممكن تاخد رد فعل ضد النور لان عقلك مرتاح في الظلمه
🔘 الافضل تفهم أحاسيسك لانها خادعه وممكن تتوهك ؛
💚 ️لوم النفس (الاحساس بالذنب)
موجود فينا طبيعي لانه مرتبط بتكوين النفس البشرية والضمير الإنساني وقد يزيد مع المؤثرات بهدف التعلم من الأخطاء والإحساس بالمسئولية
🌳 Superego & Guilt
▪️▪️▪️▪️▪️▪️▪️▪️▪️▪️▪️▪️▪️▪️▪️▪️
💛 ️نقد الذات (مراجعة النفس)
رد فعل متوسط الحده بيحصل كنوع من الاحساس الزائد بالذنب او التقصير بعد تعرضي لضغط مؤقت أو مشكلة وموقف ويزداد مع القلق والمقارنات والتمسك بالتوقعات المثالية والخوف من الفشل
💡Self-Criticism
▪️▪️▪️▪️▪️▪️▪️▪️▪️▪️▪️▪️▪️▪️▪️▪️
💔 جلد الذات (الإحساس بالعار)
درجة من درجات الإكتئاب الشديدة فيها احساس بالعجز وعدم الكفاية وفقد القيمة + احساس بالعار وليس الذنب + الندم الشديد مع توقف التفكير والانشغال الشديد بالألم النفسي بدلا من إيجاد حلول أو التعلم من الاخطاء
🔴 Shame & Inadequacy & helplessness
Worthlessness & hopelessness
Depression
التعليقات