التحرش النفسي أو الجسدي يترك آثارا في عقلية الإنسان حتي بعد فترات طويلة وهذا مثبت علميا
🔘 التحرش مش لمس بس
التحرش اي تجاوز لحدود أو خصوصيات الإنسان النفسية والجسدية
⭕ التحرش بالطفل ازاي ؟
اي تهديد أو انتهاك نفسي / بدني لحدود الطفل سواء من الاقارب أو الغرباء
مثل: التنمر والتوقعات المبالغ فيها والإستهزاء والسخرية والألفاظ الجارحه والإيذاء النفسي بمشاهد العنف الأسري والعقاب المبالغ فيه والإيذاء البدني والتلامس الجنسي يندرجوا تحت عنوان التحرش
◾◾◾◾◾◾◾◾
⭕ ممكن حد يتحرش جنسيا بطفل وهو متزوج ؟
ايوه يا فندم لان التحرش ميول واتجاه جنسي ملوش علاقة
◾◾◾◾◾◾◾◾
⭕ أعلي نسبة تحرش من مين ؟
الغرباء ٦ % المعارف ٦٠ % أفراد العائلة ٣٤ %
أغلب المتحرشين بيبقوا عارفين الأطفال ومتابعينهم ومراقبينهم قبلها بفترة
◾◾◾◾◾◾◾◾
⭕ كلمة سكس دي عيب ؟ Sex
لاه يا فندم دي معناها جنس أو نوع أو فئة
◾◾◾◾◾◾◾◾
⭕ كلمة هوية جنسية معناها ايه ؟ Gender
معناها دور العقل في توجيه الحياه الجنسية وممكن يكون عقليته مختلفة عن نوعه (احساس الشخص بهويته بغض النظر عن نوع جنسه)
◾◾◾◾◾◾◾◾
⭕ الميول الجنسي يعني ايه ؟ orientation
الإنجذاب والتوجه وتفضيل العلاقة السوية او غير السويه
◾◾◾◾◾◾◾◾
⭕ درجات الاعتداء الجنسي ؟
تحرش، اعتداء ومحاولة اغتصاب، هتك العرض والاغتصاب ويحدد بمعرفة الطب الشرعي
◾◾◾◾◾◾◾◾
⭕ بيتحاسب قانونيا ؟
ايوه لانه كامل العقل والارادة ويفضل العلاقة غير السويه ولو مريض يتم تنفيذ القانون عليه وعلاجه أثناء معاقبته قانونيا
◾◾◾◾◾◾◾◾
⭕ سبب التحرش الأساسي؟
قلة الوعي والثقافة الجنسية وضعف دور الأسرة في توعية الأطفال جنسيا بالإضافة النفاق الإجتماعي و انتشار الخرافات والمعتقدات المشوهه عن علم الجنس والأمراض النفسية المتعلقة بالإتجاهات الجنسية السويه او غير السويه
◾◾◾◾◾◾◾◾
⭕ توعية الطفل الجنسية من سن كام ؟
مع بداية تمييزه للأشخاص من حوله وتبدأ بطريقة تدريجية وفي ردود بسيطة علي أسئلته بدون تفاصيل او توبيخ وعقاب عند الاسئلة ثم تتدرج الردود علي حسب سنه ونموه العقلي من الطفولة الي فترة المراهقة تناسبا مع نموه النفسي والجنسي
◾◾◾◾◾◾◾◾
⭕ البيدوفيليا (الإنجذاب الجنسي نحو الأطفال)
Pedophilia
مش كل انحراف سلوكي وجنسي ينطبق عليه تشخيص الإضطراب النفسي.
وعلشان يتشخص إضطراب نفسي لازم يكون الشخص (بيتصرف) بناء على ميوله الغير سويه بأنه بيتحرش بأطفال أو بيشاهد أفلام و صور إباحية لأطفال
◾◾◾◾◾◾◾◾◾
⭕ التحرش الجنسي بالأطفال؟
إستغلال الطفل للحصول ع المتعة الجنسية بتعريضه لأي نشاط أو سلوك جنسي زى الملامسة أو التعري أو ممارسة الجنس
◾◾◾◾◾◾◾◾◾
⭕ كل متحرش بالأطفال عنده البيدوفيليا ؟
مش شرط بس ٥٠ % ينطبق عليهم التشخيص اما باقي المتحرشين ميولهم الجنسية تبدو عادية ظاهريا لكنهم (منحرفين جنسيا) وليسوا مرضي نفسيين* وبيكونوا متزوجين ولكن بيتحرشوا بالاطفال لأنهم أهداف سهلة ( لا فاهمين ولا هيتكلموا)
◾◾◾◾◾◾◾◾◾
⭕ أسباب البيدوفيليا ؟
عوامل كتيرة غير محددة منها العوامل الوراثية أو التعرض للتحرش فى الطفولة أو زيادة هرمون التستوستيرون أو اضطرابات نفسية مزمنة
◾◾◾◾◾◾◾◾◾
⭕ المرض النفسى بيعفى من المسائلة القانونية ؟
بالتأكيد لأه طبعا لأنه اتصرف أو أقدم علي الفعل بكامل وعيه وإدراكه وإختياره الحر، وفي كل العالم الإساءة الجنسية للطفل بأنواعها ومسمياتها جريمة حقيرة يترتب عليها عقوبات قانونية ( سواء عنده بيدوفيليا أو لاه) بالإضافة لتسجيل بياناته انه متحرش ومعتدي جنسيا.
👈 (خطط لفعل) = عقل ليس به مرض او عيب
👈 (بيت النية وعقد العزم) نصها القانوني
◾◾◾◾◾◾◾◾◾
⭕ البيدوفيليا لها علاج؟
ايوه علاج نفسي مكثف وبياخد وقت وبيعتمد على التأهيل السلوكي والمعرفي وتعديل أفكاره وتصرفاته تحت الرقابة الطبية والأمنية وبعد ما يقضي العقوبة بيتابعوه إجباري لفترة كمان للتأكد من انتظامه السلوكي
والعلاج التأهيلي بيبقي معاه العلاج الدوائي لتقليل الرغبة وتحجيم التصرفات أو علاج هرموني واخصاء كيميائي أو جراحي (في بعض الدول) علي حسب شدة الحالة (بسيطة، متوسطة، شديدة، كارثية). والعلاج بيتم تقديمه أثناء فترة العقوبة فى الجرائم الجنسية لخفض نسبة تكرارها فى المستقبل
التعليقات