الآثار الصحية إلها ما بتختلف عن الآثار الصحية للسيجارة العادية، لسا كمان الأرجيلة أضرارها أكتر،
في دايمًا سؤال بنلاقي جوابه هاي العبارة، بصراحة تعتبر غريبة شوي أو يمكن غرابتها بتعتمد على المقصود من السؤال، لما بتسأل شخص إزا بدخن بتجهز حالك لستمع منه كلمة اه أو لا، بس لما يجاوبك جواب متل هيك "ما بدخن بأرجل" بخليك تفكر شوي، شو بيفرق؟
كل أنواع الفروقات يلي ممكن تكون بينهم هي أكيد بغض النظر على شكل الأرجيلة أو طريقة التدخين فيها مقارنة بالسيجارة العادية، الفكرة الوحيدة المهمة بالموضوع هي أثر الأرجيلة على الصحة، النفسية، والجوانب المختلفة بالدنيا، هل بتأثر نفس السيجارة العادية؟ هل بنقدر نعتبرها أخف أذى من السيجارة؟
كتير أسئلة بتختلف عن الأرجيلة زي أي وسيلة تدخين تانية، بالبداية لازم نعرف إنو الأرجيلة وسيلة مو جديدة بالعكس قديمة كتير بس الإختلاف بكون بشكلها وطريقة استخدامها يلي اختلفت ولسا بتتغير كل ما بنتقدم بالزمن.
الأرجيلة زيها زي السيجارة العادية، أضرارها كثيرة ومتعددة، بس كمان الإشي يلي بزيد ضررها هو مشاركتها مع شخص تاني.
بالبداية، الأرجيلة ناقلة للأمراض المعدية خاصة بجو الأرجيلة المحيط يلي بيتشاركوا فيه الناس نفس الأراجيل، و طبعًا المدخنين ما بينتبهوا لهيك نقطة بتسبب نقل أمراض الجهاز التنفسي أو مرض السل.
طبعًا الفئات العمرية يلي بتستخدم الأرجيلة بتختلف بين الأعمار الصغيرة و الكبيرة، انتشار الأرجيلة بشكل واسع كان إلو كتير أسباب بس كمان عدم قناعة مدخنين الأرجيلة بأنها مش وسيلة لمواكبة العصر زادت من عدد المدخنين فيها.
الآثار الصحية إلها ما بتختلف عن الآثار الصحية للسيجارة العادية، لسا كمان الأرجيلة أضرارها أكتر، ومن ناحية مادية فهي أسوء كمان من السجائر العادية لأنه تكلفة استخدامها أكتر بكتير، بالإضافة للأضرار تبتعها على البيئة من كل النواحي.
بين المتعة والصحة، لازم تكون الصحة هي الخيار.
التعليقات
الاركيلة موضة للاسف